2014年10月9日 星期四

[壹週刊 1283] 勿失良機 袁嘉敏扮阿姐 古天樂杜汶澤藐爆 阿姐,袁嘉敏,古天樂,杜汶澤,汪明荃,M1,




探熱針

勿失良機 袁嘉敏扮阿姐 古天樂杜汶澤藐爆

09年得「最上鏡小姐」入行的港姐袁嘉敏( Candy),在大台蹉跎四年後轉投影圈,因為在杜汶澤孭飛的《 3D豪情》話剝唔剝被鬧爆的她,最近終於的起心肝,在王晶執導的三級新戲《鴨王》三點盡露。袁嘉敏表現進取,她甚至打古天樂主意,經常借故探班,搏埋身,越級溝仔被藐爆!

阿澤鬧爆

已經望三張的袁嘉敏,在電視劇《潛行狙擊》做情婦成為高登女神後,趁稍有人氣,約滿即走!轉會黃栢高揸旗的太陽娛樂拍電影,先後拍了三部戲,但始終未能坐正做女主角。

「本來講好咗喺阿澤部《 3D豪情》露兩點,但去到最後關頭見自己戲份唔多就扭計唔肯剝,搞到阿澤好煩,當面鬧爆佢無口齒。」知情者說。

王晶一早睇好袁嘉敏,上年賀歲片《賭城風雲》已經找她演出。

星級服侍

出爾反爾的袁嘉敏,終於睇錢份上,宣布剝清接拍王晶新戲《鴨王》。上週四(十月二日)中午,有王晶睇起的她以女主角身份出席電影《殭屍》活動,全程四萬咁口。

「 Candy覺得自己條件好好,只係無綫唔識寶冇捧佢。過檔太陽娛樂後,佢成日打電話搵 Paco,問公司會有啲乜嘢計劃配合佢,好主動!有時出活動,佢又指定要搵阿 Zing化妝,同埋要公司幫佢搵大牌子嘅服裝贊助,總之當正自己係一姐,大家都覺得佢好麻煩。」

在《賭城》戲份不重,但指定動作要騷 34D身材。

跟謝天華合作《潛行》後,二人被目睹在公司餐廳撐枱腳。

有指她在《東張西望》擔任主持時,因投訴監製做嘢有問題,又跟其他主持有拗撬,所以被調走。

主動出擊

據知,十分進取的袁嘉敏早前更主動出擊搵古天樂助她達成升呢大計。

「 Candy同古仔合作過《竊聽風雲 3》,但大家嘅對手戲唔多,只係拍咗一日戲,但佢不停打探古仔究竟邊日開工,只要俾佢收到風佢就一定蒲頭探班,見佢咁主動,古仔都怕咗佢,搵其他人擋。」知情者說。

生擒古天樂大計不得逞,袁嘉敏唯有先搞掂王晶,是但搵個水泡先。

《竊聽 3》電影宣傳活動,主動的袁嘉敏沒有被安排出席。

在電影《天師鬥殭屍》活動,以嘉賓身份做開幕大使,地位提升,她亦全程笑晒。

何浩文在新戲跟袁嘉敏做情侶,二人齊齊露,做「鴨」的他近日頻頻健身練大隻。

做雞擔正

自言等機會全裸的 34D袁嘉敏,在無綫四年一直做二打六,直至在《潛行狙擊》扮阿嫂嗒 Laughing哥人氣才稍升,擺明車馬話唔介意剝衫換機會的她,先後拍過電影《竊聽風雲 3》、《賭城風雲》以及在《 3D豪情》著透視喱士底衫褲上鏡,但性感與擔正兩回事,為完成「國際袁」目標,終於下定決心,在王晶新戲做雞,剝清做女一。



鍾意就快D Share啦!
Related Posts Plugin for WordPress, Blogger...