掃呢頁CODE去手機

2014年10月9日 星期四

[壹週刊 1283] 林曉峰入貨 出動尼龍袋 林曉峰,M1,




香港人已經習慣出街帶購物袋,不過林曉峰更加誇張,自備尼龍袋,買幾多都袋得晒。

同你吟一吟

林曉峰入貨 出動尼龍袋

康子妮喺電視話自己細細個係由僱傭中心啲姐姐湊大,而家做咗人妻人母,亦指定要用番嗰間中介公司嘅姐姐幫手湊仔做家務。講就咁講,但賢妻良母唔會靠晒人,去開街,點都會忍唔住手,幫屋企補吓貨。

早排《壹》仔喺又一城見到康子妮同老公林曉峰孖咇 shopping,踩入賣 skin care同 body care用品為主嘅 Aesop專門店,兩公婆明顯係呢隻品牌嘅用家,對店員推介新產品,全程得個聽字,目標明確,只係買自己打算要嘅。

去大型商場行街,臨走前最後一站,十居其九係超市;林曉峰同康子妮落到 Taste,乜都買啲,執咗一大籃。有備而來嘅林曉峰除咗自備購物袋,仲出動埋放到更多嘢嘅尼龍袋,輕身嘅貨品放購物袋,重身嘅就擺入尼龍袋。咁有策略,係咪屋企個姐姐教㗎?

屋企有兩個化骨龍,林曉峰上糧買到爆,冇手軟。

超市人多,康子妮匿喺老公身後行。

對$890有交易,標榜有助清除暗瘡嘅藍光美容機雖然表現興趣,但都係諗清諗楚先。

店員落力推介新貨,等俾錢嘅林曉峰都唔落疊,康子妮索性坐埋一邊揭雜誌。

明星客,特別好招呼,茶嚟水到。



鍾意就快D Share啦!