全城熱爆的娛樂八封新聞 & 時事趣聞 & 生活 + 趣聞
就快做新郎哥嘅黎諾懿，倒數大日子依然要日日埋位拍《愛．回家》，早個禮拜，劇組拉隊去到太子花墟拍外景。
「馬壯」現身，附近班《愛．回家》粉絲企定定睇明星，仲有 C9埋身同黎諾懿影合照。招呼完 fans，正式埋位，黎諾懿由工作人員協助，黐條收音咪線响衫入面，一扯高件衫，《壹》仔當堂呆一呆，早幾個月明明見佢半裸孖住蔣家旻騷腹肌加人魚線拍廣告，點解家陣得番個肚？ 聽聞《愛．回家》存貨唔多，主打嘅馬家成員開工組數特別多，黎諾懿就算結婚，都只敢請一個禮拜假， honeymoon都唔知幾時先可以成行。人生大事都冇時間搞，更何況操肌呢！
日日開工，「馬壯」黎諾懿何止冇時間搞婚禮，就連做運動都冇時間。
要扮滿頭大汗追朱慧敏，黎諾懿埋位前要噴水整濕塊面。
