同你吟一吟
袁詠儀疏爽 郭晉安孤寒
做人父母，究竟嚴厲啲好，抑或適當縱容，保持親子良好關係好呢？有一仔一女嘅郭晉安，明顯係選擇走嚴格路線。
上個禮拜四（十月二日）重陽節假期，郭晉安做奶爸，帶對仔女去又一城行街。第一站，當然係玩具店。 6歲囝囝郭令山集中睇模型車仔，細女郭以雅得 3歲，行到邊睇到邊表現好奇；其間囝囝想買車仔，但老豆一句：「唔買呀！」阿仔冇死纏爛打，仲幫手拖實妹妹走人，好乖！
至於一個「魔童」夠晒數嘅靚靚袁詠儀，教仔方式以融入小朋友世界為首要重任。同一日，靚靚帶住魔童再加個小朋友去咗太古城，當然亦係行玩具店。
兩個細路要買水槍，陪睇嘅靚靚提議買《忍者龜》系列玩具，兩個小朋友冇反對之餘，魔童更加樣樣都話要，老媽子亦冇托手踭，最後買咗兩大袋玩具走人。緊又好，鬆又好，最緊要係溝通到啫！
|
鍾意就快D Share啦！
|
|
|
