【短片】【亂噏24】測鬼儀器真身曝光 個錶狂跳點算好？
2014-10-30 23:00:00
今次香港靈異學會上嚟《亂噏24》做訪問，仲專誠帶咗幾部測鬼儀器上嚟畀觀眾見吓真身！不過礙於現場機器太多，容易干擾結果，就冇即席示範測試。更何況如果測試咗「有嘢」，怕且全體工作人員都瞓唔著！
不過會長Jacqueline都以好科學嘅口吻補充︰「就算儀器有幾貴都好，世上係冇儀器，可以證明有鬼定係冇鬼，所有嘢都只係佐證，我哋需要好多佐證，然後再去比較、分析，先可以得出結論，又或者係冇結論！」小編非常好奇，唔知會唔會有一日，可以發明到一個好似捉鬼敢死隊專用嘅吸塵式捉鬼器呢？
