掃呢頁CODE去手機

2014年10月28日 星期二

「問題存在好耐,冇咁快解決到」 吳啟華拖老婆遊埠箍煲 吳啟華,




【娛樂頭條】「問題存在好耐,冇咁快解決到」 吳啟華拖老婆遊埠箍煲

2014-10-28 00:45:00



(資料圖片)

曾經歷婚姻失敗的吳啟華,07年娶年輕21歲的長春姑娘石洋子為第二任老婆,翌年兩人生下女兒吳熙兒,表面上一家三口幸福滿瀉,怎知三人卻分隔三地、天各一方生活,不甘做煮飯婆的石洋子到北京發明星夢,女兒在長春老家由外祖母照顧,啟華則長期留在香港工作,夫妻感情難以維繫,兩人婚姻踏入7年之癢爆婚變,有指啟華作出最壞打算:「最worst咪離婚囉!」然而,上周六啟華到雲頂登台,原來妻女亦有同行,石洋子日前在微博貼身在馬來西亞的蒲吧相,看來兩夫妻正努力挽救婚姻。

昨記者透過微信向啟華求證是否跟太太感情出現問題,他說:「其實呢啲嘢我已經喺微博講晒,你睇我微博都可以睇到啦。」問太太是否在大馬?他坦言:「係呀,o依家我哋一家人都喺大馬。」和好如初?啟華說:「問題一直存在好耐,唔會咁快解決到,不過大家盡量啦。今次主要係陪吓個女,好耐冇陪佢啦,會喺度玩多兩日,跟住仲會去塞班島玩幾日添。」

會否安排太太和囡囡來港居住,一家團圓?他無奈說:「呢個問題答唔到你住,未知點呀,其實我哋o依家討論緊讀書地點嘅問題,有決定再通知你呀。」有指香港讀書好過內地?他說:「呢樣嘢又唔可以肯定,因為好多教育界朋友話我知,o依家大陸學校好好,甚至好過香港,我哋讀國際學校邊度都差唔多,分別唔會咁大,不過我喺南方多啲,我梗係希望佢(囡囡)近我多啲,始終南方城市點都好過北方,北方冬天冰天雪地,同埋食物、人嘅質素各方面都係香港呢邊好啲嘅。」

問一家人在雲頂玩得開心嗎?啟華說:「雲頂冇乜玩,我哋家喺KL(吉隆坡)好啲,雲頂悶咗少少天氣又凍,呢度天氣熱啲可以陪佢游水,我唔同你講啦,我要陪我個女游水,o依家我老婆畀雜誌寫嘅嘢搞到佢唔開心。」對於雜誌指嫩妻石洋子唔黐家,又喜愛夜蒲姣仔云云,啟華前晚在微博幫老婆反擊:「首先我要感謝關心我們的朋友們!我只能說我們之間的問題確實存在,不過大家都在努力克服困難,希望問題會得到解决!至於那些針對我妻子的不實報道,請大家不要相信!」

至於石洋子昨在微博貼手舞足蹈背影相並留言:「白天精神病,晚上玻璃(心)」似乎是說日頭好happy,晚上好脆弱,情緒起伏很大;石洋子的微博從沒貼老公和女兒的相片,反而愛晒身上的名牌:Hermes、Chanel、卡地亞、Rolex等,看來啟華很疼錫老婆。



鍾意就快D Share啦!