【短片】與古仔被刪咀戲曝光 千嬅慨嘆：唔得閒享受！
2014-10-28 04:27:00
楊千嬅同古天樂自2002年，喺電影《乾柴烈火》後，相隔12年再演情侶，喺新戲《單身男女2》再續前緣，更有機會拉埋天窗。戲中呢對情侶床戲搞笑多過情慾，而另一幕，古仔向千嬅剖白不可告人嘅秘密後，單膝跪地求婚，千嬅感動含淚答應。原來古仔求婚成功後，與千嬅情深一吻，不過最終被刪掉，今日該失蹤的咀戲鏡頭曝光，千嬅諗返同古仔咀嘴，以為開心到暈，點知千嬅竟然話：「唔得閒享受！」
千嬅坦言從影以來甚少拍咀戲，佢話：「我通常拍喜劇好少咀嘴，今次同古仔做對手戲，一兩take就收貨。（唔尷尬？） 當時已經拍到尾聲，大家入晒戲，而且拍杜sir（杜琪峯）戲，要打醒14分精神，要好熟戲中角色情緒，節奏好快，唔得閒享受。」
問佢錫得最冧係邊個？千嬅諗都唔使諗就話：「我個仔，每次見到佢個咀仔，都忍唔住要咀兩啖。（最好咀男星呢？）梗係我老公啦，哈哈哈！」對於咀戲被刪掉，千嬅和古仔都表示不知道。
古天樂同千嬅被刪的咀嘴戲曝光。
仲有床戲。
兩人床戲搞笑多於情慾啦﹗
|
鍾意就快D Share啦！
|
|
|
