2014年10月28日 星期二

當紅陳敏之收大「B」曲奇 陳敏之,




【曲奇店開幕】當紅陳敏之收大「B」曲奇

2014-10-28 16:16:00



(攝影:陳慧安)

陳敏之開設嘅曲奇餅店今日開幕,陳志雲、伍詠薇、阮小儀、薛世恒等都有出席支持,而且吸引咗好多途人圍觀。由於曲奇餅店兩邊都有其他商舖,店外企滿在場嘉賓、傳媒及途人,敏之表示唔好意思,佢話:「噚日我已經喺度,都有話會阻到佢哋,但佢哋好好,有專登嚟買餅支持,呢條街好正能量同和諧。」

以廚師造型現身嘅陳志雲仲送咗一個大「B」曲奇餅,令到敏之好開心。

一身紅色打扮嘅敏之,佢透露有幾個股東一齊合資7位數字,而佢自己都投資咗7位數字,籌備咗一年,呢個「BB」終於出世。問佢幾時生真BB?敏之表示未住。

咁老公冇埋怨?敏之話:「冇,佢都鍾意食曲奇餅,而且佢有生意,所以亦係我幕後軍師。」又謂希望明年年頭喺九龍區開分店,成為香港手信,又笑言想做香港曲奇皇后喎。



敏之榮升老闆娘,一身紅噹噹。







陳志雲送上「大B」曲奇



同伍姑娘情同姊妹



仲有周家蔚



鍾意就快D Share啦!