掃呢頁CODE去手機

2014年10月9日 星期四

[FACE 385] 感情嘅嘢 你識條_咩? MF,




全知言

感情嘅嘢 你識條_咩?

鋒菲戀兩位主角謝霆鋒同王菲,兜兜轉轉 14年,同樣結完婚又離埋婚,點估到佢哋會再次撻得着,仲要鬼咁甜蜜!有霆鋒同王菲呢 pair成功例子,全知言都堅信凡事有可能發生,梁振英會即刻「×痛」落台㗎!

至於問到最想邊一對情侶復合,一班明星都各有心水,其中舒淇同黎明就成為復合首選!不過感情嘅嘢,出人意表先夠經典啫!

袁嘉敏:《玻璃之城》最浪漫

我覺得《玻璃之城》套電影好浪漫,我後來都考上香港大學,仲喺文學院讀書,都希望自己搵到個好似黎明咁嘅男仔。

崔碧珈:黎明舒淇• perfect match

之前睇過佢哋套《玻璃之城》,佢哋喺入面係做一對好 sweet嘅 couple,我覺得如果喺現實都可以咁樣,成件事都會好 match。而且佢哋一個靚仔一個又靚女,兩個外表都好好,年紀又係差唔多, career又係去到好高嘅位置,所以好 match!

高鈞賢:想舒淇•幸福

因為呢期出現好多三角戀嘅關係,其實黎明、舒淇同馮德倫都係有少少三角戀,不過呢個都係一個比較故仔性嘅講法啫,自己都想舒淇幸福嘅。

小寶:黃宗澤胡杏兒•天生一對

我會揀黃宗澤同胡杏兒。因為我由細到大都係睇佢哋嘅劇集大,知道佢哋都一齊咗好耐嘅時間,所以好希望呢一 pair可以復合。佢哋外形就的而且確係天生一對咁襯!

甩拖後, Bosco同楊崢都拍過快拖,𠵱家單身其實都可以搵番胡囧呢個舊相好,話晒相處咁耐,默契咩都有齊晒

黃美棋:城城只配•熊黛林

我最想郭富城同熊黛林復合。其實佢都幾襯,因為我覺得城城可以畀到幸福熊黛林,加上呢一 pair太經典,如果要講城城嘅女朋友,遲多幾年,我都只會答熊黛林。

雖然城城都冇公開肯定過熊黛林城嫂嘅身份,不過配得起呢個朵嘅始終都係得佢咋喎!

街坊:最想阿嬌同 Edison復合

明星揀完又到街坊揀,答案個個唔同,最估唔到連當年淫照風波嘅主人翁 Edison同阿嬌都有人揀,如果咁都俾佢噏得中,不如估埋 689幾時落台

Bu

最想阿嬌同 Edison復合(編者按:其實當年陳文媛先係正印!)。覺得佢哋之間應該有啲嘢嘅,因為淫照事件先至分開。其實佢哋外形都襯,都係靚仔靚女,加上兩個都係玩得嘅性格,所以最想佢哋正式公開喺埋一齊。

Wind

我最想黃宗澤同胡杏兒復合。因為佢哋都有幾年感情,性格之類都覺得幾襯嘅,所以都想佢哋復合。

Olivia

我最想楊千嬅同鄭中基復合(吓!各自結咗婚喎!)。因為佢哋嘅性格都係大癲大肺,佢哋一齊嘅笑聲係會產生共鳴,我自己都會睇得好開心!



鍾意就快D Share啦!