掃呢頁CODE去手機

2014年12月19日 星期五

[忽然1周 - 1012] 佘詩曼阿媽有料到 佘詩曼,MW,




冇諗過阿媽會出現,阿佘開心到喊之外,同阿媽咀完又咀,真係溫馨。佘媽仲專登揀件低胸衫撐場,好俾面。

媽咪姐

佘詩曼阿媽有料到

媽咪姐不嬲好欣賞唔靠男人嘅女人,睇吓阿佘前兩年離開大台,出去兜個圈返嚟,簽兩年就收三千萬,又有視后墊底,勁囉!但係媽咪姐覺得佘媽仲掂,話晒喺阿佘 5歲嗰年,佘爸因為交通意外走咗,寡母婆湊大佢哋 3兄妹,仲供佢去瑞士讀書,係咪仲勁!呢晚阿佘攞獎,佘媽瞞住佢入廠祝賀,睇吓佘媽件衫吖,個領口比起主角兼乖女阿佘低好多,有晒「事業線」。









有靚太 friend仲同媽咪姐講,佘媽原來好吃得開,同阿 B鍾鎮濤一班玩開㗎!真係估佢唔到呢。

五年前嘅佘媽,睇落有打扮過,但仲有啲師奶 feel。對比番依家,真係愈嚟愈有 fashion sense㗎!

阿佘話晒出年踏入 40歲,佘媽唔只冇催婚,仲話佢開心就得,感情隨緣。睇嚟係受佘爸早死影響喎!

阿佘呢晚嘅裝扮,唔少網民都有意見,仲話佢個領位同蛋撻紙好似,有埋圖比較㗎!不過,都係嗰句,「 fat唇」嘅嘢,我哋識條鐵咩!

俾網民話條頸唔夠長,又話佢要扮 cake,即使阿佘係視后,都冇面俾。



鍾意就快D Share啦!