全城熱爆的娛樂八封新聞 & 時事趣聞 & 生活 + 趣聞
唔講唔知，原來楊盼盼 （左）係一對新人嘅間接媒人。
今年十月，黃伊汶（ Emme）同陳國坤喺峇里舉行婚禮。早幾日佢哋喺香港補擺喜酒，媽咪姐梗係有份去飲流浮山遠就遠啲，不過 Emme父母 40年前結婚都係喺呢間小桃園酒家擺酒，所以好有意思㗎。
當晚唔少藝人都有去飲，好似校長譚詠麟、李克勤、 Yumiko、應采兒、陳小春同黎諾懿等。不過最特別嘅賓客就係好耐冇見嘅楊盼盼！當年 Emme同陳國坤因為拍電影《功夫無敵》而撻着，原來部戲嘅監製就係楊盼盼，所以都算係佢哋嘅媒人嚟㗎。吖，唔知佢有冇收番封媒人利是呢？
除咗係媒人，楊盼盼其實同黃伊汶媽咪陳麗貞（右）都係 friend，早年仲一齊去睇 fashion show㖭。
着埋七十年代裙褂、連手上拎嘅劍蘭都跟足當年媽咪一樣，不過都唔及佢手上嗰八對遮晒前臂嘅龍鳳鈪咁搶眼。
婚宴其中一款菜式：鮑魚雞煲，勁！
酒樓布置簡潔， backdrop掛兩塊紅布就搞掂。江美儀（右二）同男友吳君如細佬吳君祥（左二）、盛品儒（右一）同女友蔡一鳳（右三）都係座上客。
