熱爆娛樂: [忽然1周 - 1012] 陳彥行二手開倉救狗狗　名牌 3折首飾至抵 MW,

2014年12月19日星期五

[忽然1周 - 1012] 陳彥行二手開倉救狗狗　名牌 3折首飾至抵 MW,

Vivienne Westwood頸鏈$400

行姐入行多年，第一次賣二手衫，佢話有啲唔捨得㗎！好似手上呢條 Vivienne Westwood招牌鏈都戴咗唔係好多次。

媽咪姐

陳彥行二手開倉救狗狗　名牌 3折首飾至抵

臨近年尾，唔少商舖都劈價吸客，行姐陳彥行都決定將屋企嘅心頭好統統割愛， 1折起開倉益街坊。扣除營運開支後，行姐仲會將部分收益捐去慈善機構，拯救佢最關心嘅流浪狗狗㖭！

嘩，睇吓啲貨，名牌手袋都係$1,500起，而 OL靚太好鍾意嘅 Vivienne Westwood、 Tiffany手鏈，都係$100起，係咪好抵呢？而全場最抵就係暖笠笠嘅披肩， 20蚊一條。行姐出行油 sell：「咁靚嘅披肩頸巾，唔好以為幾百蚊呀。其實又真係要幾百蚊，不過我依家大慈善、大特賣，廿蚊條！成本都唔止廿蚊啦。綠色唔啱唔緊要，仲有紅色搭藍色，同埋粉紅色，啱晒聖誕！」

鏡頭所見，只係當日賣嘅一部分，行姐仲會不停加貨再加貨，佢話希望大家都買到又平又靚嘅筍貨過聖誕。正所謂低處未算低，媽咪姐為咗幫各位《忽周》擁躉謀福利，講掂行姐俾個 9折大家，只收現金，記得帶埋本《忽周》去買喇！