全城熱爆的娛樂八封新聞 & 時事趣聞 & 生活 + 趣聞
好爸爸 陪老婆睇中醫，老婆負責抱女，張豪龍就拎一大袋中藥同阿女啲玩具，呢啲咪好爸爸囉。
張栢芝出名係烈女，而細佬張豪龍就出晒名惡！當年佢凶神惡煞，跟出跟入做家姐嘅熱血保鑣，仲曾經試過用粗口問候傳媒㖭！不過都係以前嘅事喇。兩年前豪龍突然閃婚，原來係奉子成婚，做咗爸爸之後啲火即刻收晒。呢日媽咪姐喺九龍城撞到佢同老婆周紫雯抱埋囡囡一齊睇中醫，啲慈父 feel出晒嚟！見佢左手拎住囡囡啲玩具同老婆個手袋，右手又抽住一大袋中藥，走嗰陣仲擰轉頭同老婆講小心梯級，溫柔到呢！真係同家姐一樣，係廿四孝父母。
睇完中醫佢哋一家三口去咗餅店買蛋糕，而老婆就同囡囡喺門口等。
豪龍結婚嗰陣，家姐張栢芝 sharp爆出席，姊弟情深。
