全城熱爆的娛樂八封新聞 & 時事趣聞 & 生活 + 趣聞
睇真啲，化咗濃妝同冇化妝（圓圖）嘅朱千雪個樣算差別唔大。
女人最緊要裝備自己，尤其係女藝人。不過有啲女藝人素顏同化咗妝，差別都唔係好大。好似呢排冇乜工作嘅朱千雪咁，媽咪姐呢日就見到佢素顏出現喺銅鑼灣，上咗一棟舊唐樓。咦，搞咩呢？原來去修甲順便修眉。啱嘅，女藝人除咗要有樣，指甲都好重要！睇嚟朱千雪係常客，事關見佢同修甲姐姐有講有笑！搞咗大約一個鐘左右，佢又急急腳去攞車走人。扮靚都咁趕，係咪約咗男朋友仔先？
修葺第一步係先修甲，再修眉，可能啲甲油未乾透，朱千雪（左）要伸直晒手指風乾，又幾修長喎！
搞足一個鐘卒之搞掂，朱千雪連街都唔行就急急腳去攞車。嘩，好趕吓噃！
