[忽然1周 - 1012] 底薪萬五奀到爆 肥苟現 3節肥腩掃平衫 肥苟,苟芸慧,MW,

行街坊商場

日前約夜晚 9時，肥苟獨自到寓所附近的街坊商場行街，已穿長袖衞衣遮身形的肥苟，巨腩仍然展露無遺。

娛樂喧

底薪萬五奀到爆　肥苟現 3節肥腩掃平衫

自前年 4月苟芸慧被傳介入郭富城、熊黛林戀情後，被網民鬧爆做小三。攻城失敗的她疑因不堪四面受壓，自稱患上甲狀腺病搞到肥腫難分，停工休養如中了「不瘦降」，自此體重直線上升。

已被大台半放棄的肥苟，近日只被安排零碎的唔計騷錢的活動，每月齋袋萬五底薪。日前冇開工的她到將軍澳寓所附近的平民商場，買幾十蚊有交易的平價衫，雖然身穿衞衣但三節腩肉無所遁形。昔日甜姐兒苟姑娘如今自我放棄，認真暴殄天物。

無限期「被放假」，百無聊賴的苟芸慧年中曾由一位韓籍 auntie安排，到首爾學戲做插班生，跟韓國藝人一齊上堂，更狂隊泡菜減肥，但返港後體重不跌反升，情況一發不可收拾。

現時　 160磅

09年　 110磅

最索 110磅　 09年苟芸慧以大熱姿態膺華姐冠軍，當時僅得 110磅，人瘦樣甜。但近月她的體重卻升至 160磅。

婆婆齊揀衫

只要側身微微彎腰，肥苟便會驚現幾節腩肉，有點誇張。而她光顧的舖頭連婆婆都啱，可見價錢平民。

街坊舖 70蚊有找

街坊小店以平價作招徠，平均 60元有交易，而且衣服只得 one size，走闊袍大袖路線，啱晒肥苟。

南豐廣場位處坑口地鐵站附近，屬領匯旗下，店舖走街坊平民路線，肥苟從寓所徒步行 3分鐘就到。

老闆娘爆肥苟是熟客，專門趁夜晚才幫襯：「我同佢都係基督徒，雖然唔同教會，但都好啱傾。佢通常夜晚先嚟，冇乜人吖嘛！」

愈減愈肥嚇怕廣告商

苟芸慧自體重升穿 170磅後，身形如大山婆，一度被停工的她宣稱要養病，實情是公司下令要認真減肥。無奈減極唔瘦，廣告客户唔敢用，連大台亦半放棄。雖然表面上肥苟已復工，卻遭投閒置散。近日她出席的不是劇集宣傳就是慈善活動，無額外騷錢落袋，僅靠月薪萬五過活。

冇工開惟有慳啲使。日前約晚上九時，本刊發現素顏、面容浮腫的肥苟離開將軍澳坑口寓所後，步行僅約 3分鐘路程的平民商場行街。她在二樓一間時裝店濕平，店內服飾最平 60蚊就有交易，最貴的都不超過百二蚊，買滿 200蚊更可成為會員，以後會有九折優惠，平到你唔信，故吸引不少婆婆及外傭埋嚟睇埋嚟揀。

只見苟姑娘跟店主十分熟絡，二人邊閒聊邊向對方講「祝福你」，似乎是教友關係。當晚她身穿長袖衞衣，彎腰揀衫時卻驚現三節腩肉。其間有顧客認得她，肥苟都置之不理，最後她掃了幾件鬆身上衣，埋單不過三百，之後歸家閉關。

失 job玩自閉

被勒令停工冇額外騷錢收入的肥苟，為了節衣縮食，曾被拍下在寓所附近便利店打書釘（左），及到銀行搞理財服務，非常無聊。

太肥被 cut牀戲

自 7月主持世界盃後，肥苟已甚少在幕前演出，近日難得播她有份的《飛虎 2》。據知劇中有場跟梁烈唯的超激牀戲，本來監製林志華打算以這段戲來谷收視，但日前戲劇部高層再三審視這場戲時，卻發現畫面太激，亦暴露了肥苟的暴肥身形。為免令觀眾反感，最後慘遭刪剪。

知情者透露：「早排佢有成百七磅㗎，依家算清減咗少少。佢曾經好努力跟伍姑娘打泰拳、做瑜伽，但佢話好辛苦。做完運動又要食番好多嘢，仲慘過唔做，最近佢有飲中藥同做針灸，話去水腫喎！公司亦俾咗最後通牒佢，𠱁佢如果減到百四磅左右，出年就開番劇俾佢。真心希望佢得啦，萬五蚊邊夠使吖，唔食唔飲都要交租，好彩之前佢多 job有積蓄咋！」為演藝發展又好，為觀眾視覺效果又好，希望肥苟爭氣變番瘦苟

樂易玲盡幫

肥苟超晒磅被大台雪藏，只得樂易玲出手相助，去年 10月樂陪苟到銅鑼灣做運動。但若肥苟再唔爭氣，恐怕連樂易玲都無能為力。

攻城失守

前年 4月一度攻入城門的肥苟，間接令郭富城及熊黛林的七年情玩完。去年 3月有傳郭拉攏，搵埋肥苟一齊出席浪琴錶活動，當時二人都笑得好甜。

鍾意就快D Share啦！

下一篇 》