2014年12月18日 星期四

[壹週刊 - 1293] 發哥投降逼港鐵 港鐵,周潤發,發哥,政治時事,M1,




冇得扶,好在夠高可以掹實車頂。

同你吟一吟

發哥投降逼港鐵

上星期四(十二月十一日)黃昏時間,發哥周潤發喺中環走落港鐵站搭港鐵過海。六點三,港鐵車廂塞滿放工嘅人,發哥同大家一齊逼,幾乎企都企唔到,又冇嘢揸手,高人一等嘅佢唯有投降舉起雙手,掹住車頂嘅路線標示板。

中環去九龍塘,一定要喺旺角或者太子站轉線,當日發哥响旺角出閘,不過佢並唔係過對面月台轉坐觀塘線,而係出閘上返地面,由旺角行返九龍塘。

靠行山行路, keep住百五磅多啲啲嘅發哥,人高腳長行得快,唔使廿分鐘就返到屋企,七點開飯,啱啱好!

如果唔使開工,八珍相信發哥每日有近三分一時間係用嚟走路。難怪佢夜晚嗰餐照食飯食澱粉質,食完行個圈,睇陣電視就上床瞓覺,一樣唔肥。

黃昏放工時間中環港鐵寸步難行,發哥入咗車廂,都只可以塞响門口。

咁都撞到發哥,立刻集郵。

發哥喺旺角出閘,左拐右拐,話咁快就行到去界限街花墟公園,轉多幾個彎,就可以返到屋企。



鍾意就快D Share啦!
Related Posts Plugin for WordPress, Blogger...