[壹週刊 - 1293] 邱淑貞孻女 許懷欣孖仔鬥百厭 許懷欣,邱淑貞,M1,

媽咪玩到冇晒氣，沈星係都要嚟多 round，邱淑貞抖咗陣，再次變身人肉氹氹轉。

同你吟一吟

邱淑貞孻女　許懷欣孖仔鬥百厭

生極都係女嘅邱淑貞，下年 47，要追番個仔恐怕有心冇力，好在有四歲孻女補番數，沈星個樣生得靚又精靈，但偏偏性格同百厭程度都拍得住男仔。

上個禮拜二（十二月九日），邱淑貞帶囡囡去公園玩自動噴泡槍，沈星精力旺盛，舉高雙手撲泡泡，又跳又笑。

玩完泡泡槍，沈星要媽咪抱住佢玩人肉氹氹轉，順時針轉完，再逆時針轉，之後又話要玩單槓，邱淑貞俾囡囡玩咗次就抱佢走，沈星唔肯，係咁掙扎踢腳 fing手。

生女都咁百厭，更何況係有對孖仔許朗、許俊嘅「歌神仔」許懷欣。兩公婆帶孖仔同朋友去中環置地飲 tea，孖仔四圍跑，兩公婆唯有跟住陪跑圈。生女也好，生仔也好，湊細路，同打仗冇分別。

沈星唔係要抱抱，而係 order媽咪抱起佢玩單槓。

轉完順時針，再轉逆時針，沈星玩到咭咭聲笑。

天就快黑，邱淑貞抱住個女走，唔願返屋企嘅沈星扭計又踢腳又起手，孻女拉心肝，特別野蠻。

許懷欣同朋友吹水，太太負責睇實對孖仔。

俾老婆抖番陣，許懷欣接更。

三父子不斷圍住條柱跑玩捉，之後連媽咪都玩埋一份。

鍾意就快D Share啦！

下一篇 》