掃呢頁CODE去手機

2014年12月17日 星期三

[FACE - 395] 周柏豪 Kabby四式活春宮  Kabby:搞到抽筋! 柏豪,許雅婷,Kabby,周柏豪,MF,




第一式 你懂的

Kabby跪地得個背脊,柏豪企直得個高潮眼,佢哋做緊乜?你懂的!

封面

周柏豪 Kabby四式活春宮  Kabby:搞到抽筋!

年度男神邊個威得過周柏豪?入手百萬 Benz、處男紅館騷圓滿舉行、攞埋 Yahoo年度最佳男歌手大獎,唱歌名利雙收轉戰影壇一樣順風順水,《小姐誘心》、《販賣愛》、《四非》三部電影排住隊等上畫。最惹人妒忌係套套男主角、套套有床戲,所以咪男神囉!

下月 15日上映的《小姐誘心》,柏豪行運行到落腳趾尾,有得同心悠 BB做夫妻,仲有得同天王城城都 like既 Kabby搞外遇!《 Face》得到首批絕密 2級半活春宮劇照,戲中小三 Kabby仲爆拍事前準備功夫:「當正佢係動作戲咁拍,事先要拉筋驚搞到抽筋!」

由葉念琛監製、黃柏基導演嘅《小姐誘心》大張旗鼓探討男女性愛關係,兩條感情線柏豪同心悠兩公婆聚少離多、房事多行貨,柏豪因此被心悠投訴係「自動櫃員機」,例牌「入」咭「出」錢,房事唔協調,搞到新婚無耐就要求助家計會、又被𡃁妹 Kabby趁虛而入。

第二式 坐穩先

人仔細細嘅 Kabby發育好、床戲拍得多,埋位前仲識得做定熱身防抽筋,呢啲咪經驗囉!

第三式 食波餅

一講床戲,柏豪都唔執輸,話經驗好多,其實都係,呢幕坐食波餅,之前拍微電影同連詩雅都試過!

第四式 腿張開

據悉兩人前後三、四個 take,每 take嘴足三分鐘,肉搏完十幾分鐘即刻抽離到,呢下真係專業演員,男神仲露埋孖煙囱添!

Kabby:「冒住生命危險!」

柏豪在戲中扮演 IT仔,同新婚老婆劉心悠房事不協調,搞到要周街求助,最終在夜場遇到 Kabby一拍即合。

娶心悠 BB過門不知係幾多巴打夢想,最衰柏豪身在福中不知福,同心悠 BB日日共處廿四小時而不識珍惜,仲出去搞𡃁妹!在家被心悠 BB叫悶蛋的柏豪,外洩一批同小三 Kabby激戰寫真,又跪低又高潮眼、坐完大脾仲除淨半邊底橫就地正法,橫睇掂睇,兩位拍床戲一點即通、一拍即合囉!記者分別致電「搞」嘢男女, Kabby竟然話由於動作過激,要做定熱身防抽筋!

「拍之前,真係得一個字,驚!因為柏豪係男神嚟,好多 fans,我驚佢哋會憎我,又驚佢哋會打我,真係冒住生命危險!我都係第一次拍咁激情嘅激吻戲,我哋淨係場咀戲都拍咗成三、四分鐘!所以我拍之前都特登去咗拉筋,因為我驚俾佢搞到抽筋,呢啲場口直情係動作戲一樣,事前要做足準備功夫。加埋都係拍咗三、四個 take就收貨,又唔使清場,算係好順利,咁導演同監製有帶住我哋,我同柏豪事前又有溝通嘛,大家都係專業演員,柏豪又要係我前輩,都唔使我教我覺得呢套戲都係搞笑同幽默多,又唔覺得感覺色情喎,所以我唔怕會賣弄色情同定咗型!」咁又係, Kabby喺星爺套《美人魚》都冇咁搏喎!

床戲秒殺城城

20歲女許雅婷雖然出道得嗰兩年,不過床戲豐富過柏豪好多!處女作《援交少女》演援交𡃁妹、吳嘉麗導演《花街柳巷》又係做妓女,最出名係《援交》場場都係床戲,睇到連天王城城都激讚、更一度傳出被城城力追。即係咁,柏豪話過城城係自己偶像,今次搶先過城城床戰 Kabby,真係威威!

Kabby努力獲天王青睞,今年初與城城傳出緋聞, Kabby亦向本刊承認:「佢讚我第一次做戲已經好放,又有 follow我 instagram。」

17歲選蘋果動主播入行, Kabby勝在嫩口又甜美得嚟又夠放,處女作《援交少女》已經床戲由頭帶到尾。

Jessica. C教玩道具

話說柏豪為改善夫妻性生活特登走去性商店,店員 Jessica.C耐心解說產品用途,心急人係唔係好想知最終心悠用唔用得著呢?

男神即係男神,拍套愛情戲都艷福無邊,有心悠做老婆、 Kabby做小三、出外鳩嗚仲遇到惹火女僕 sales Jessica.C。

柏豪:「都係做嘢啫!」

「同 Kabby場戲係劇情需要,我都冇特別擔心過,一嚟同個導演黃柏基好熟,咁監製葉念琛都出名係拍愛情戲,再加上個女主角係心悠呢,再講我又唔覺得場戲好激,我同 Shiga(連詩雅)都拍過啲激激哋嘅戲啦,都係做嘢啫,我都冇同女朋友特別交代添!其實激情戲都唔使特別清場, Kabby同心悠都係嗰啲 easy going嘅人,尤其係同 Kabby添,拍嘅時候都深夜兩三點,大家都好攰,一心淨係諗住嗱嗱聲咋!」 Kabby同心悠 easy going!好多宅男都想瘋狂同心悠 BB easy going呀!

上月備戰演唱會勤操肌, 40吋巨胸夾啱 timing拍《小姐誘心》亦派上用場。

拍床戲柏豪話無需向女友 Stephanie交代:「佢知我做嘢啫!」

行動升級

女藝人拍床戲就話怕蝕底、怕影響形象、又怕未來老公秋後算帳啫,男藝人就少擔心得多,底線越低戲路越廣,男生地位更穩固添,影視演出相對不多嘅柏豪近年越演越大膽,唔通下一步想拍《色,戒》?

淺嚐咀

對手:台模陳韋利

《忽然 1周》圖片

騎住啜

對手:連詩雅

圖片

半裸滾

對手:曾紫欣

圖片

𡁻完擰

對手:楊愛瑾

圖片

搞上台

對手:鍾浠文

五個理由!點解柏豪要結婚?

男主角做過、紅館個唱開過、個人品牌賣過、百萬 Benz入手咗、年度藝人獎又攞埋,下一步,男神周柏豪仲唔係結婚娶女朋友過門,除咗 Timing一流,仲有五個理由唔到佢拒絕。

同輩壓力

Dear Jane主音 Tim娶了,官恩娜農歷新年嫁了,作為華納大師兄,下一個仲唔係周柏豪?

度定謝辭

元旦喺叱咤攞完獎向女友愛的宣言,今年成績仲好過舊年,再攞獎唔通又示愛咩?梗係求婚

步步高陞

出道七年發展一帆風順,應有盡有,如何再上一層樓?圈中婚後更搶手人辦朝偉、 Chilam、家輝大把,可以考慮!

餵奶方便

為演唱會狂谷,胸肌成功拓展至 40吋,就算過咗演唱會都唔怕無用武之地,婚後生 B喂奶一流……俾 BB枕住飲奶!

熱門搜尋

藝人一話好事近,實惹來傳媒瘋狂追蹤報導,求婚方式、蜜月地點、禮金金額、擺酒支出……仲唔日日上報做埋熱門搜尋十大之首?



鍾意就快D Share啦!