全城熱爆的娛樂八封新聞 & 時事趣聞 & 生活 + 趣聞
未有工開，唐詩詠施施然嘆埋隻雞翼都仲有時間剩。
做演員最緊要係等得，啲演員成日話開工幾多十粒鍾，其實隨時等多過做，全知言上星期日（ 7日）就親眼見証唐詩詠真係等到瞓着。
當日喺葵芳撞到佢為《當鐵馬遇上戰車》拍外景，由於前一組 over run攪到早到嘅唐詩詠要咬雞翼等埋位，點知等咗成個鐘都仲係見到袁偉豪喺到對緊對白，難得唐詩詠都好專業，明明可以返自己車瞓，但又怕導演揾佢唔到，索性喺架道具小巴同班臨時演員一齊休息，唐詩詠真係抵得諗喇！
食飽都仲未埋位，唐詩詠決定匿埋架小巴上面瞓。
仲食到成手都係，睇嚟隻雞翼幾好味。
袁偉豪呢套孭飛做男二，自然緊張啲，基本上全程揸住劇本唔放。
唐詩詠等到瞓着，黃德斌就同袁偉豪對稿，但對咗成個鐘都仲未拍。
