全城熱爆的娛樂八封新聞 & 時事趣聞 & 生活 + 趣聞
雖然近年喺大陸搵錢居多，不過 Stephy着衫 taste都 keep得住潮，冇被毒化呢樣係最難得嘅，當日鄧媽一大袋， Stephy又一大袋，唔知係咪買定聖誕禮物呢？
近年喺大陸狂掘人仔嘅鄧麗欣，最近回歸香港仲出理新碟。 Stephy由以往 Cookies年代到家陣連吳若希都話細個聽佢唱歌，就知時間過得幾快。
唯一冇變就係 Stephy繼續孝順，上週見佢孖住阿媽一齊去銅記利園濕平，買到一袋二袋，其間仲同阿媽有講有笑，買咗仲有司機接送，雖然 Stephy𠵱家富貴咗，但對家人依然有孝心，呢啲好女人小方真係娶得過喇。
Stephy同媽咪掃完貨，之後仲有司機接載。個女咁搵得又孝順， Stephy抵讚！
喺利園買到一袋 2袋，多到夠積分換禮物，估唔到 Stephy咁婆仔又會貪呢啲着數喎。
