2015年2月1日 星期日

祖兒有婚數 水底行禮 祖兒,容祖兒,




容祖兒與劉浩龍拍拖三年,早前被千嬅爆好事近的她昨日出席活動時母愛氾濫喪玩BB!不過她指婚訊純粹是千嬅順口講,但羨慕周杰倫的歐洲古堡婚禮,笑言要水底行婚禮勁過對方!

祖兒羨慕周杰倫的童話婚禮,笑言要到水底行禮威過對方!

祖兒出席籌款活動,出發前與一班參加者自拍大合照!

祖兒見DJ朱薰的B仔咁得意,忍不住搣了面珠幾下。

現年34歲的容祖兒與男友劉浩龍(師兄)拍拖三年,一直恩愛無比,不時被發現甜蜜外遊,月初又孖咇出席草蜢成員蔡一智的生日派對。昨日,祖兒出席癌病籌款活動時,一見DJ朱薰的得意B仔即母性大發,不時搣B仔面珠,更萌生家庭計劃,於台上揚言希望十年後可帶自己的小朋友齊齊出席活動!不過,事後祖兒否認恨嫁:「發噏風啫!如果十年後都冇就慘喇!唔係恨嫁恨到出面,只係見到佢哋嘅小朋友好精靈。」但她認為「兩個就夠晒數」:「應該係兩個,生兩個開心啲,一家四口,但都要睇番自己能力。」

「未同佢傾細節」

早前祖兒為楊千嬅擔任個唱嘉賓時,被千嬅於台上大爆與師兄好事近,祖兒急急否認:「演唱會口快快,千嬅係個講嘢好叻嘅人,唔使點思考就講到好多嘢出嚟,係咁啱順口講咗!其實未同佢傾到呢個細節。」還笑言千嬅擁有幸福家庭,故想與更多人分享。不過,祖兒自爆十分羨慕周杰倫的歐洲古堡婚禮:「點都有啲少女幻想。(你可以勁過佢!)我覺得最勁係水底!好靚。」但她再否認好事近,只透露男友師兄近日有新方向,故現階段以事業為先。

母親病愈多咗朋友

由於祖兒媽咪亦曾患癌,一向侍母至孝的她對有關癌症的活動特別有感受:「親身經歷過之後,知道病人病嘅時候係好無助,同埋好需要支持。」她指媽咪患病時認識了很多有同樣經歷的新朋友,更與祖兒媽咪分享心得:「好感恩嘅係,媽媽以前得一、兩個朋友,到依家會約兩個唔識嘅人出嚟,多咗好多朋友,可以話係因禍得福。」經歷過媽咪患病的祖兒對人生感受甚多,希望多做善事,認為幫助人時自己亦能感到快樂:「唔係好多人可以好似媽咪咁好彩遇到好醫生,有好醫生又未必有資金。(今次用咗好多資金?)唔係咁計,最緊要好番!」

祖兒羨慕周杰倫的童話婚禮,笑言要到水底行禮威過對方!

祖兒出席籌款活動,出發前與一班參加者自拍大合照!

祖兒見DJ朱薰的B仔咁得意,忍不住搣了面珠幾下。

鍾意就快D Share啦!
Related Posts Plugin for WordPress, Blogger...