2015年2月1日星期日

吳雨霏偕夫回港冇戴婚戒：因為驚唔見吳雨,吳雨霏,

【新婚後現身】吳雨霏偕夫回港冇戴婚戒：因為驚唔見

2015-02-01 20:29:00

（攝影：仇志德）

餅碎吳雨霏（Kary）同「網球王子」洪立熙（Brian）日前於網上宣布已婚，早前先到意大旅行，Brian成功於當地求婚，其後倆口子轉飛美國註冊，今晚洪氏伉儷拍拖返港，獲約十名粉絲到賀兼接機。

一對新人並肩推住行李車出閘，大晒恩愛，兩人應傳媒要求停步合照同訪問，佢哋手上未見戴有婚戒，Kary話:「因為驚唔見，所以冇戴喺手。」又全程護夫話：「你哋會嚇親佢，多謝大家。我哋搭咗二十幾個鐘頭飛機，大家好眼瞓，佢好緊張，佢始終唔係圈內人，佢好怕醜。」問到此行係咪已經度蜜月，Kary話：「都可以咁講。」有指兩人稍後會擺酒，Kary話：「隔幾日我哋見面先講。」Kary同Brian閃婚係咪有喜，Kary否認：「梗係唔係。」Brian其間只答過記者一句心情緊張，即被唱片工作人員拉走，最後Kary同老公順利上車離開。