掃呢頁CODE去手機

2015年3月3日 星期二

吳君如要做女人拒為800萬變性 君如,BKD_S,吳君如,

君如表示扮完男人後需時間沉澱重整,再接受其他挑戰。


吳君如要做女人拒為800萬變性

吳君如於主演的賀歲片內反串入型入格,結果獲內地片商青睞,開價800萬港元利誘她再下一城,不過君如卻不為銀彈打動,打趣謂如果有美女「投懷送抱」才再作考慮!身為影后的她更坦言扮男人後需時間沉澱重整,所以計劃去學演技、學做戲,果然學海無涯。

君如主演《12金鴨》於賀歲檔贏盡口碑兼觀眾笑聲,且被指極富娛樂性,票房截至前日已達2170萬元,愈戰愈強,教台前幕後振奮不已,而君如「Future哥」的形象更深入民心,給人雌雄難辨之感。據知,內地有片商睇中君如反串男裝「型英帥靚正」,以雙倍片酬利誘她於即將開拍的新片內再次反串,以君如目前收約400萬港元片酬一部來計算,只要她一點頭,隨時有800萬送上門來,片酬相當吸引!

黐假上身好攰

當記者昨求證君如,是否有人出高價要求她再下一城時,她坦承:「係有人搵過我,但今次反串拍戲,單是黐假上身都搞到我好攰,所以應該唔會考慮嘞,不過如果女主角係大美人,又另作別論」談到被指扮男人入型入格,身為影后的她演技不容置疑,但君如直言:「自從演完男人之後,我依家覺得做戲,喺未來會仲有更大嘅挑戰,所以依家都要沉澱幾個月,去學演技、學做戲。」

蔡瀚億、君如與劉浩龍謝票之餘,到小食店篤魚蛋。
  • 蔡瀚億、君如與劉浩龍謝票之餘,到小食店篤魚蛋。
三色鴨劉浩龍、姜浩文與蔡瀚億大讚紙牌君如勁。
  • 三色鴨劉浩龍、姜浩文與蔡瀚億大讚紙牌君如勁。
姜浩文、盧海鵬、吳君如、劉浩龍與蔡瀚億到戲院謝票,多謝觀眾支持。
  • 姜浩文、盧海鵬、吳君如、劉浩龍與蔡瀚億到戲院謝票,多謝觀眾支持。

而美國充電返港後,君如連日來投入為《金》片謝票,前晚再偕同盧海鵬、劉浩龍、姜皓文與蔡瀚億現身戲院。談到票房已達2100萬港元,氣勢直逼其他對手,君如謂:「舊年得四部(賀歲片),今年大混戰,又大片又動畫,年年都係咁講咁鬥,但最重要係吸引人入場睇戲,不過今次又真係可以向股東交代,因為唔使蝕錢嘛。」

旺角掃街醫肚

至於以盧海鵬及彭于晏作為賣點的加長版原來取材自台灣鴨店的真實個案,君如說:「有個年紀大啲嘅鴨,拎張相出嚟話係佢後生時影嘅,但嗰張相一睇就知係個明星!」她透露暫定本月7日再搞慶功宴,且打趣說:「會擺番十幾圍,比我自己結婚仲要多呀。」而謝票期間因為肚餓,君如索性拉隊到旺角小食店醫肚,結果被不少途人圍觀,要求合照及索取簽名,令現場擠得水洩不通。

文:影視組

鍾意就快D Share啦!