掃呢頁CODE去手機

2015年4月3日 星期五

老婆打骰 張兆輝三千萬開珠寶店 [忽然1周 - 1027] 張兆輝,MW,



年多前,張氏夫婦出席美容公司活動時。輝嫂戴上一 set價值千萬嘅翡翠首飾,雍容華貴。

娛樂喧

老婆打骰 張兆輝三千萬開珠寶店

52歲的張兆輝,唔止拍戲撈得掂,美容生意亦做到有聲有色,全因他有個識做生意的賢內助。最近他以 50萬月租喺中環威靈頓街地舖賣珠寶,一樣是老婆打骰,瓣數多多!

據知輝哥為慶祝同太太郭碧妍結婚 18周年,今年與幾位友人合資近億元開珠寶店,全因張太醉心翡翠,店名「安碧」更以太太的碧字命名,原來錫老婆真係會發達㗎!

呢張結婚相係 18年前,當時嘅輝哥有型靚仔,輝嫂仲有幾分似岑麗香。

正在廣州為杜琪峯新戲《三人行》開工的張兆輝,自去年憑《恐怖在線》成為雙料影帝後,年初片酬升至 130萬,片約仍然接到冇停手。近年密密賺的他除了拍戲、拍大台及內地劇,更狂跑登台賺真銀,兩年穩袋千五萬。

財來自有方的張兆輝,除了娛圈事業成功外,美容生意亦愈做愈大。去年在美容展中,他以近 50萬貴租百多呎攤位,證明生意有巿場。「舊年市道咁差,輝哥兩公婆喺美容展嘅生意竟然好好,三日執咗幾百萬!」知情者說。

拓展生意王國

張兆輝想拓展生意王國,上月逆市中擲三千萬開舖,「輝嫂好鍾意翡翠,啱啱又有朋友撩輝哥做翡翠生意,佢見係老婆嗜好,咪當結婚周年禮物送俾老婆囉!千金難買老婆心頭好嘛!」知情者說。

本周一( 30日),本刊記者到「安碧」珠寶店視察,裝修極具氣派,有不少富婆揀選心頭好。店內所賣的翡翠、珠寶均是價值甚高的罕有品種。據知鎮店之寶是老坑玻璃翡翠吊墜,周邊鑲有四十多卡鑽石連鑽石鏈,叫價 2,800萬,真係唔係人人買得起!



上月中張兆輝出席完婚紗雜誌活動後,即會合老婆到中環為珠寶店剪綵。

珠寶店座落於中環威靈頓街,面積約 400呎,月租 50萬,好揦脷。

周一( 30日)本刊突擊到珠寶店視察,發現有唔少闊太揀緊心頭好。雖然市道低迷,但靚嘢總會吸到客嘅。

張兆輝:咁先有動力做嘢

記者致電張兆輝,問到擲三千萬開珠寶店是送給太太做結婚周年禮物時,輝哥笑笑口話:「其實主要係我太太家姐夫婦做開呢啲。做生意要熟先好,我不嬲都唔識呢啲嘢嘅,咁咪嘗試吓!(投資成三千萬喎?)係呀!勁嘢嚟㗎!唔係我一個人投資晒嘅,樣樣嘢都嘗試吓囉!(近呢兩年搵好多?)我使好多錢你知唔知吖!你睇我好,我睇你好啫!咁樣先有個動力去做多啲嘢呀!(舖租要 50萬?)冇辦法喇,你知嗰度係咩地點但係依家呢啲首飾都好渴求,出產量唔多,值得投資㗎!」

入行三十多年嘅張兆輝,去年憑《恐怖在線》成為雙料影帝。佢一係唔攞,一攞仲攞兩個影帝殊榮。

每年嘅美容展,輝哥都會預留檔期到攤位幫手宣傳美容生意,好友戚美珍同黃𨥈瑩亦到場支持。

鎮店之寶

呢個老坑玻璃翡翠,鑲嵌了四十多卡鑽石,吊墜與頸鏈之間粒鑽石有成兩卡半,反轉個吊墜就變了鑽石吊墜,係鎮店之寶。

翡翠鑽石雙面吊墜  2,800萬

張兆輝的珠寶店收埋唔少價值連城嘅珍藏品,大家記住這句口訣「種、色、透、瑩、花、大、工」,就能挑選一件靚嘅翡翠。

蛋面玉鏈  800萬

呢條翠綠通透嘅翡翠鏈,非常華麗。

粉紅鑽戒  300萬

4卡 62份嘅梨形粉紅鑽圍滿 3卡幾嘅鑽石,非常搶眼。

辣椒色翡翠鏈  800萬

呢條辣椒色翡翠珠鏈,價值連城,每粒玉珠由大至細穿出來。

鍾意就快D Share啦!