由誠哥旗下基金會捐款15億興建嘅大埔慈山寺，呢個月中終於開放俾公眾。上星期寺方帶記者入去參觀，公眾將焦點放喺成間寺設備最好嘅「防彈禪修房」，強調保安可以有幾森嚴。記者着眼小處，都有唔少發現，可能反映誠哥嘅特別要求。
呢間傳
聞中俾誠哥專享嘅禪修房外貌實而不華，不過廁所個馬桶吸引咗記者注意力，呢個馬桶無論係沖水、揭廁板等動作，都唔需要親手去做，撳個掣就得。呢個價值三萬幾四萬蚊嘅電動馬桶係呢間房獨有，同層其他僧寮都無咁嘅設備。
書枱嘅櫃桶亦有奇妙之處，棄用普通鎖匙嘅鎖頭，改用藏於枱面下嘅電子密碼鎖；電話亦都有三部，其中一部係接駁LAN線嘅IP專線電話。唔通誠哥入到嚟靜修都要聯絡公司？當然，固網電話梗係用番和記環球電訊。
慈山寺秘書長倪啟瑞話，房間無特定俾邊個人住。負責建築設計嘅何培斌教授解釋，電動馬桶而家好普遍，唔同設備係用嚟方便唔同嘅人，但點解得一間房有特別嘅設施就無解釋過喇。
攝影：鄒潔珊
呢間傳
聞中俾誠哥專享嘅禪修房外貌實而不華，不過廁所個馬桶吸引咗記者注意力，呢個馬桶無論係沖水、揭廁板等動作，都唔需要親手去做，撳個掣就得。呢個價值三萬幾四萬蚊嘅電動馬桶係呢間房獨有，同層其他僧寮都無咁嘅設備。
書枱嘅櫃桶亦有奇妙之處，棄用普通鎖匙嘅鎖頭，改用藏於枱面下嘅電子密碼鎖；電話亦都有三部，其中一部係接駁LAN線嘅IP專線電話。唔通誠哥入到嚟靜修都要聯絡公司？當然，固網電話梗係用番和記環球電訊。
慈山寺秘書長倪啟瑞話，房間無特定俾邊個人住。負責建築設計嘅何培斌教授解釋，電動馬桶而家好普遍，唔同設備係用嚟方便唔同嘅人，但點解得一間房有特別嘅設施就無解釋過喇。
攝影：鄒潔珊
|
鍾意就快D Share啦！
|
|
|
