掃呢頁CODE去手機

2015年4月3日 星期五

素顏汪詩詩 甄子丹先認得 [忽然1周 - 1027] 子丹,汪詩詩,甄子丹,MW,



濃妝艷抹嘅汪詩詩(下圖),跟零化妝嘅佢果然判若兩人,真係只有佢老公「宇宙最強」甄子丹先認得佢。

媽咪姐

素顏汪詩詩 甄子丹先認得

早幾日,咁啱喺跑馬地撞見甄子丹同佢老婆汪詩詩,當時兩公婆都係戴住幾乎遮住半塊面嘅黑超,嘩,幾有型呀!

之後,見佢哋走咗入去麥兆記嘆下午茶。只見汪詩詩一坐低,即刻除低黑超。噢,媽媽咪呀,零化妝嘅汪詩詩個樣都幾……,嗯!應該係得「宇宙最強」嘅男人甄子丹先認得嘞!

兩個人大約食咗個零鐘左右,一出門口,詩詩即刻戴番副超,過咗去附近嘅寵物店。有副超嘅詩詩同冇戴超嘅詩詩,簡直判若兩人。大家明白點解啲藝人視黑超如身份證咁重要啦﹗

食飽之後離開,甄子丹慌死老婆走甩,捉到詩詩實一實。後面睇甄子丹同汪詩詩都發福咗,尤其汪詩詩嗰個躉都幾豐滿吓。

戴番副黑超嘅汪詩詩,即刻唔同晒,有番啲星味。

鍾意就快D Share啦!