全城熱爆的娛樂八封新聞 & 時事趣聞 & 生活 + 趣聞
蠱惑的窿Kelly都幾鬼馬，着住 LV最新嘅 2015早春系列窿窿衫，若隱若現。搞到同佢一齊搓麵粉嘅小妹妹，忍唔住望完又望。
陳慧琳（ Kelly）又一次向大家親身演繹乜嘢叫「人生勝利組」嘞！早幾日，佢着住件遠睇無乜嘢，近睇嘩一聲嘅開窿衫出席活動，好 hot呀。
呢件衫非常蠱惑，着上身事業線若隱若現，大家睇相就明。難得嘅係， 42歲兼生咗「蝦餃仔」加「小龍包」嘅 Kelly完全 carry到呢身青春打扮，佢仲話自己要開始 keep fit，為年底嘅入行 20周年演唱會做準備，「要 diet night，無油無煎炸，希望保持最佳狀態，臨近演唱會嗰陣可以再減磅！」嘩，仲減？你已經 fit到違反晒自然定律，仲索過初入行嗰時喎！俾啲位各位姊妹行吓啦，靚女。
自爆將件衫加工封窿嘅 Kelly，唔認為服裝性感，仲話演唱會尺度仲大。
睇番 13年前， Kelly又真係成日露腰喎。對比依家身材又冇乜大分別。《蘋果日報》圖片
生咗兩個仲係好索喎！
