吳鎮宇大佬好錫身 [忽然1周 - 1027] 鎮宇,吳鎮宇,MW,

好嘞，行埋架小巴度影相，鎮宇唔覺意騷咗手上隻 Cartier鑽錶。唔貴㗎！幾十萬啫。

媽咪姐

吳鎮宇大佬好錫身

早兩晚，媽咪姐去咗睇《衝鋒車》首映，嘻嘻！有好多型佬睇吖嘛。

去到九展門口，砰一聲，忽然有架小巴駛埋嚟。嘩！嗰下有少少驚，大家都知小巴車轆都可以好恐怖㗎。好彩見到車上面坐住譚耀文、鄭浩南、姜皓文成班型男，個心仔即刻定番啲。

咦咦咦，咁 Sam哥吳鎮宇呢？原來佢坐自己架七人車到場，淡淡定咁落車再行番去小巴度同大家影相，好有大佬 feel呀！

咁又係嘅，正如鎮宇講到《衝鋒車》會唔會喺大陸上映時，即刻話：「梗係會唔係我哋嘅片酬點返嚟？幾叉嘢㗎喎！」嗯，睇 Sam哥手上隻 Cartier鑽錶，就知佢真係搵到冇吹水。錫身啲，應該嘅！

好耐冇見嘅譚耀文，執到正同鄭浩南、姜皓文坐小巴去九展首映，配合番劇情（講小巴改裝成衝鋒車）。

升咗上大佬級嘅鎮宇，就坐自己架七人車到場，仲有司機、助手服侍。

53歲嘅吳鎮宇好滋陰，用暖壺帶靚湯去現場潤喉，醒！

鍾意就快D Share啦！

下一篇 》