任達華恨拍劇 望與謝安琪合作：佢好聰明
2015-05-19 18:23:00
(攝影：葉君海)
任達華今日喺沙田出席傢俬品牌40週年活動，華哥一樣係入行40年，現場就舉行咗華哥攝影展，係華哥借出嘅20幅攝影作品，喺現場展覽，華哥仲喺現場為佢最愛嘅攝影作品做揭幕。
呢幅畫原來係華哥喺英國嘅時候影，佢話最鍾意張相係因為好似幅畫咁靚。華哥一向幽默，今日佢喺台上為品牌宣傳時，亦不忘搞笑，佢話：「一張好嘅沙發好重要，可以同囡囡睇英超，夜晚又可以暗啲，同太太開心又得。」
華哥影相多年，佢話已儲咗數百幅攝影作品，之後仲想同插畫師學畫畫，希望將攝影作品從新畫一次，再舉行攝影展，將來留俾囡囡。
問佢平時有冇畫囡囡或者太太？佢話有，不過囡囡坐唔定，0氹唔到嘅。咁囡囡畫功又點？華哥大讚囡囡畫畫都好叻。華哥又話之前睇完顧嘉煇演唱會，好有興趣拍劇，佢話想同謝安琪合作，因為佢好聰明，另外亦想同鍾楚紅合作。
華哥希望將攝影作品從新畫一次，再舉行攝影展。
華哥大讚囡囡畫畫都好叻。
|
鍾意就快D Share啦！
|
|
|
