黃曉明同Angelababy嘅婚事，近日一直成為外界焦點，而黃曉明早前更揚言話今年內會娶Angelababy。而今日（5月19日）喺網上，就流出「疑似」二人喺法國影嘅婚紗照。據報道指，二人確實喺法國影婚紗相，過兩日就會返回北京。
事實上，我哋《壹》仔喺上月初已經報道過，曉明早前已經求婚成功，將會喺10月1國慶日迎娶Baby；而Baby自小便憧憬結婚一定要有王子公主式夢幻婚禮，曉明為打造令Baby一世難忘嘅回憶，更會豪花半億包團，請數百至親好友去婚禮現場見證。
如今結婚消息又再講一次，黃曉明同Angelababy呢pair真係打風都打唔甩啦。
