2015年5月12日 星期二

Eason孭2億壽臣山獨立屋 阿徐再咇1億供商廈 阿徐,陳奕迅,Eason,徐濠縈,



【樓奴定老婆奴?】Eason孭2億壽臣山獨立屋 阿徐再咇1億供商廈

2015-05-12 11:23:00



(資料圖片)

噚日公佈福布斯中國名人榜,陳奕迅(Eason)榜上有名,以歌手、演員身份排第10名,估計佢一年內收入約8600萬元人仔,咪睇Eason好似吸金力極強,其實Eason都幾大負擔。

今日有周刊爆現年41歲嘅Eason近年成日北上開巡迴賺人仔,好少返嚟香港,據知係因為佢每月未計生活費,閒閒地供樓都畀成每月70萬。

據知,老婆徐濠縈上年1月以個人名義買咗約2.3億位於壽臣山嘅獨立屋,面積超過3千呎,據知係因為南區校網好,想囡囡康堤有個好嘅成長,同年8月,阿徐又同老公Eason以公司名義,用1億斥資買入黃竹坑3個商廈單位,不過今次阿徐一出擊,就3個單位都有升值,港鐵南港線下年通車,相信仲會有得再升。

該報道表示,Eason一向好錫屋企人,亦講過唔介意老婆係「大花筒」,不時開口護妻,話自己大把,老婆使極都有,Eason講得出當然做得到,先巡迴開騷,又要接戲,早前與周潤發、湯唯拍《華麗上班一族》。

之前阿徐一直唔肯同Eason再追多個,未知係唔係事業上咗軌道,打理3間時裝店,又打理得頭頭是道,兩公婆至少有4億物業揸手,阿徐最近都有心為Eason再生多個,揚言阿女想要個妹,Eason當然舉腳贊成!

鍾意就快D Share啦!
Related Posts Plugin for WordPress, Blogger...