2015年5月19日 星期二

獲發哥封「紅姑」Kay袋穩金句 發哥,謝安琪,Kay,鍾楚紅,紅姑,周潤發,

發哥觀看謝安琪的發問片段,聽到女神不斷讚他靚仔,可愛的發哥忍不住偷笑。

獲發哥封「紅姑」Kay袋穩金句

一連25集《我愛發哥》昨日於《東網巨星》App啟播,已立即成為城中熱話!擔任首集嘉賓的女神謝安琪(Kay),與男神周潤發擦出火花,發哥笑住讚《囍帖街》,再封Kay是鍾楚紅,女神Kay即心花怒放,聲稱要一世袋穩這句說話!

樂壇女神謝安琪(Kay)面對發哥也難擋其魅力,更直認鍾意發哥靚仔又好戲,在她心中堪稱完美!Kay說:「我鍾意發哥因為佢好靚仔,又好好笑,佢個樣、眼、嘴……成個面相都有一種笑臉,令人好開心!我仲鍾意佢嘅演技,咁靚仔嘅人,做咩角色都好,搞笑又得,惡又得,沉重又得,深情又得,喺我心中好完美!好鍾意佢套《秋天的童話》,影響我一生,嗰種浪漫,一個麻甩佬(角色『船頭尺』)都可以同紅姑(鍾楚紅)咁嘅靚女發生感情,為我嘅戀愛觀帶嚟新視野。」

能閉氣半個直池

發哥:「你個張繼聰呢個麻甩佬,咪『船頭尺』囉!你咪鍾楚紅囉!你都好浪漫呀!多謝你呀!唱隻《囍帖街》,你唱完之後條街冇咗喇!好彩你有唱咋!唔係真係死人喇!」

謝安琪獲發哥神級回應即心花怒放!
  • 謝安琪獲發哥神級回應即心花怒放!
收到發哥回應,Kay反而怕醜起來,立時回春變少女!
  • 收到發哥回應,Kay反而怕醜起來,立時回春變少女!
身為忠實粉絲的Kay搞笑表示要袋住發哥「金句」,認真抵死!
  • 身為忠實粉絲的Kay搞笑表示要袋住發哥「金句」,認真抵死!

Kay:「我知發哥游水好叻,我想問佢可以閉氣喺水入面最長時間係幾耐?」

發哥有問必答!即上《東網巨星》收看《我愛發哥》精彩片段!
  • 發哥有問必答!即上《東網巨星》收看《我愛發哥》精彩片段!
  • 放大圖片

發哥:「我後生嗰陣好犀利!25米由頭到尾都得,標準池就唔得,一定爆肺!短嘅就得,依家就唔知得唔得!有機會同你練一練!多謝你!」

南丫島神級推介

Kay:「去到南丫島一定要食啲咩呢?」

發哥:「南丫島冇嘢食o架,淨係得豆腐花,你唔使去都得喇!去就去索罟灣嗰邊,有海鮮,如果榕樹灣落船就要行成九個字(45分鐘)先過到去,一係你去食海鮮嗰度落船,然後行番去榕樹灣,食番碗豆腐花!下次南丫島見!」

得到發哥神級回覆,Kay當然心花怒放,她興奮地說:「哈哈哈!好開心呀!發哥同我講咗好多嘢呀!尤其係我聽到嗰一句重點!一句重點!嗰一句重點好重要!就係佢話『你咪就係鍾楚紅囉!』呢一句,我會好好袋住佢!OK?」要重溫精彩片段,立即上《東網巨星》觀看Kay邊尖叫邊回應!

文:陳偉立

採:戴穎怡、湯紫媚

攝:秦健輝、司徒國榮、鄭家俊

鍾意就快D Share啦!
Related Posts Plugin for WordPress, Blogger...