2015年6月15日 星期一

拒做怪獸 蔡少芬陪大女開心學溜冰 蔡少芬,





其他影片:>>






並唔係個個家長都係怪獸嚟架,星級媽咪蔡少芬就帶阿女學最鍾意嘅溜冰,兼教佢點用扶手電梯。

日前蔡少芬同張晉行孖咇,接四歲大女楚兒放學。未學溜冰前就先學點用扶手電梯,蔡老師教得好落力架。楚兒就聽到點晒頭,不過肚仔餓,都係先Join埋姚瑩瑩喺圓方開餐。姚瑩瑩嘅囝囝Evan就坐定定食嘢,不過楚兒就冇時停,扭計落地到玻璃欄前睇人溜冰,老豆張晉捉都捉唔實,冇晒符!

Hea到三點,終於夠鐘上堂!楚兒同Evan換好過裝備,跟教練學溜冰,由於仍是初學階段,兩個小朋友都係學點樣打開雙手練習平衡,又推住櫈仔,滑前滑後。坐在觀眾席的蔡少芬和姚瑩瑩一邊篤電話,一邊雞啄唔斷講媽咪經。

半小時溜冰課,兩個家長夾份請個私人教練都只係$230,抵到爛!不過最緊要係班細路玩得開心。童年,應該係咁過架嘛。
鍾意就快D Share啦!
Related Posts Plugin for WordPress, Blogger...