掃呢頁CODE去手機

2015年7月26日 星期日

林夏薇唱歌娛賓被肉緊咀 千語BB玩手機冇眼睇 林夏薇,手機,吳千語,千語BB,千語,





其他影片:>>






林夏薇噚日同金融才俊男友Jason喺山頂豪宅舉行婚禮,讀者李小姐向本報「爆相爆片」,提供一條新娘子喺台上唱歌娛賓嘅短片,嫁個有錢人嘅林夏薇心情勁興奮,喺婚宴嘅小舞台上表演唱歌,不過估唔到佢唱嘅唔係甜蜜情歌,而係譚詠麟嘅舊歌《朋友》,老公Jason冇台上伴唱,唔知係咪喺台下細心欣賞老婆嘅歌聲呢,不過,新娘子林夏薇嘅歌聲,就俾其他伴唱嘅男賓客聲蓋過咗。

林夏薇喺台上唱歌其間,企喺佢身旁打黃色呔,疑似係夏薇爸爸嘅男親友,興奮到手舞足蹈不停跳舞,唱完之後,男親友仲攬住新娘子錫面,林夏薇都攬番佢錫啖回敬,心情high爆。當時林峯冇上台唱歌贈慶,不過,林峯弟弟就喺台上伴唱,之前傳過林峯弟弟唔鍾意「未來阿嫂」吳千語,噚日佢哋就同場,短片見到吳千語行過喺台下玩手機,坐番埋位之後,千語BB循例畀面拍咗幾吓手,之後又再專心玩手機。

據知男家嘅屋企以前係何東家族嘅廚師,Jason嘅來頭亦唔少,現年44歲嘅佢係美國俄亥俄州立大學土木工程理學士,擔任多間上市公司嘅高層,林夏薇同佢拍咗年幾拖,咁快就決定結婚。

林夏薇在台上唱歌娛賓,男親友(黃呔者)興奮伴舞,之後仲肉緊攬實新娘嚟錫,又V晒手咁影合照,但千語BB就耷低頭顧住玩手機(箭嘴示),似乎唔係太投入。(讀者提供影片截圖) (讀者提供影片截圖) (讀者提供影片截圖)
(讀者提供影片截圖) 台上肉緊咀,台下專心玩(讀者提供影片截圖) (讀者提供影片截圖)
鍾意就快D Share啦!