| 我相信生B同養狗仔係可以共存嘅。 | next 1/1 pre |
 | |
| 今日Miki短褲仔現身。 | next 1/1 pre |
 | |
| 仲抱埋愛犬Toffee，好可愛喎。 | next 1/1 pre |
 | |
| 不過佢就話Toffee慣咗踩住佢個肚瞓，咁得人驚？ | next 1/1 pre |
 | |
| 睇嚟首要條件係要訓練Toffee分開瞓。 | next 1/1 pre |
 | |
| Miki與郭永淳（資料圖片） | next 1/1 pre |
藝人楊愛瑾（Miki）下午帶埋家中愛犬Toffee出席關愛動物活動揭幕禮，Miki介紹Toffee已經6歲有多：「佢係仔仔，佢係屋企養嘅狗狗生出嚟，我同佢相依為命，佢成日等我返屋企，之前我喺屋企裝咗個cam，諗住睇佢喺屋企做啲咩，發覺佢全日都喺到瞓覺，等我返屋企。（你見佢成日咁會唔會心痛？）都會呀，佢會等我返屋企攞啲玩具表演我睇，所以我都諗過返屋企住，或者請個工人陪住佢玩。」
現場眼見Toffee離不開Miki，問到其未婚夫、永安集團太子爺郭永淳會否呷醋？Miki就說：「唔會，佢哋好friend，其實佢哋好鍾意大家。（會唔會養多一隻？）我都想養多一隻，但有人話唔好，佢好易呷醋，我未有咁多時間，我出去做嘢要好耐時間。（係咪驚第日要生小朋友，怕冇時間照顧bb？）bb遲早都會生，但冇話因為依樣而唔養多隻，我依家自己住，又冇工人，屋企人又住得遠，出去做嘢要十幾個鐘。」
另提到Miki籌備婚禮如何？Miki就笑言：「已經搞緊，都整左好耐，有好多定案。（幾時舉行？）應該下年，但好多嘢未落實。（請教吓Kary吳雨霏？）會呀，佢啱啱嫁完，都會問佢。（好似Kary咁喺意大利或者外國舉行婚禮？）唔去咁遠，想簡單，想只係請close嘅屋企人同埋朋友，愈簡單愈好，搞得大型好似唔似慶祝，似做嘢。（婚後即生B？）順其自然啦，Toffee可能會呷醋bb，有時候佢見我同小朋友玩，或者抱小朋友玩，佢會呷醋。佢依家同人瞓，佢會踩我個肚，所以都幾驚。（第日三個人一齊瞓？）唔知，狗狗慣咗同我一齊瞓，佢見我同人搭膊頭，佢又想搭。」
|
鍾意就快D Share啦！
|
|
|
