2015年7月26日 星期日

林夏薇秘嫁金融才俊 老公緊攬腰肢陶醉 林夏薇,





其他影片:>>






林峯堂妹林夏薇噚日秘嫁金融才俊Jason,讀者李小姐向本報「爆相爆片」,透露婚禮喺男家山頂嘅超級豪宅舉行,林峯同女友吳千語都有出席到賀,見證堂妹嫁個有錢人。現年44歲嘅Jason比老婆大16年,佢係美國俄亥俄州立大學土木工程理學士,擔任多間上市公司嘅高層。

一對新人喺婚禮上嘅甜蜜畫面亦曝光,着吊帶低胸婚紗嘅林夏薇,被老公從後用雙手緊緊攬住腰肢,一面陶醉,新娘子喺婚禮上高歌娛賓,一班兄弟好友上台伴唱。

婚禮布置浪漫,現場用粉紅、白色鮮花砌成一對新人嘅英文名「RJ」(Rosina & Jason),據知,為咗保密佢哋嚴禁出席婚禮嘅賓客影相,仲喺豪宅舉行埋簽紙儀式。現年28歲嘅林夏薇身為家中獨女的她,16歲時參加全國明日之星大賽得到冠軍,4年前加入無綫,最為人熟悉係林峯堂妹身份,只同洪永城傳過緋聞。

(讀者李小姐提供圖片) (讀者李小姐提供圖片)
鍾意就快D Share啦!
Related Posts Plugin for WordPress, Blogger...