李克勤出戰內地江蘇衞視《蒙面歌王》，戴住白菱鏡面具，以陳奕迅的《富士山下》參賽，勝出首集冠軍，除面具的一刻，激動到喊出來。內地這類歌唱比賽，由《中國好聲音》到《我是歌手》，評判和觀眾都被指極為好戲；今次亦不例外。
雖然李克勤不多唱國語歌，畢竟在樂壇立足咁多年，蒙住面一時間認唔到，但一開口，克勤腔自然而來，香港人一聽就認出，內地觀眾當然難講，但巫啟賢這位大馬歌手，對李克勤唱腔的熟悉程度，應不下於任何香港人，佢竟然說「很有李克勤味道」，扮到好似完全認唔出，真係好難令人置信；難怪被網友彈佢嘅戲屎。其實被內地視為大師的巫啟賢，話就話要配合比賽氣氛，但演技咁差，不如真情啲仲好喇！
