【太陽報專訊】昨日是胡杏兒在無綫的最後一天，整整16個年頭在無綫拚搏，約滿後據知她已有全盤大計，將於下月在尖沙咀開設婚紗店，一償當老闆的心願。同時有傳她於年底與男友Phil拉埋天窗，可順道為自己打造最高貴漂亮的新娘子。
文：影視組
胡杏兒憑1999年香港小姐季軍姿態殺入行，在無綫工作至今已16個年頭。一直有傳她今年滿約無綫後便不再續約，又有指她以2千5百萬元的酬金，簽約3年成為蕭定一旗下藝人，同時又傳她年底與金融才俊男友Phil拉埋天窗。
據知，杏兒其實有了全盤計劃，約滿無綫後，下月會在尖沙咀開設婚紗店一償做老闆娘的滋味。同時亦可為傳聞中年底的婚事着手，打造自己成為一個最高貴、最漂亮的新娘子，順道為婚紗店做生招牌，為公司打響頭炮。
對於快將榮升老闆，杏兒透過短訊回覆：「唔好意思，暫時未有公布。（唔續約無綫簽蕭定一？）唔好意思各位，合約的確係滿咗，心情有點複雜，亦很不捨得，但暫時未有可以宣布嘅事情，因為內地劇正在趕拍殺青，所以回港後再同大家見面，謝謝大家關心。」她亦在社交網站寫下：「Back To Reality」（回到現實）。據知，她月底便會回港。
樂易玲有信心挽留
有傳杏兒將簽約蕭定一旗下，蕭定一昨日回應：「呢刻冇乜可以講，適當時候自有分曉。」無綫製作資源部總監樂易玲則表示：「唔係佢親口講唔作實，其實無綫、邵氏都有開戲但有幾間公司同佢傾緊係事實，無綫係其中一間。同杏兒合作咁多年，現階段都好關注佢嚟緊嘅人生大計。女藝人點都要嫁個好人，佢喺適當時候遇到個好男友。（續約？）朋友都想畀空間佢考慮，我都約咗佢傾，有信心。」
杏兒早前亦接受了內地媒體訪問，談及今年是她重大變動的一年，希望放慢生活節奏，外出看看放鬆一下，又自言到了一個希望可經歷不一樣東西的時候，所以暫時不續約。她更感激幫過她的監製、罵過她的導演，對無綫是感恩的，承認無綫一直有積極傾續約。
|
鍾意就快D Share啦！
|
|
|
