去開工、去玩、天氣好熱、整親隻眼，莊思敏平時事無大小都影相放上網，順手晒埋事業線，企喺度等的士咁悶，佢點會唔趁機會又晒吓？
有日晏晝，莊思敏一支公喺中環等的士，佢條長裙長到落腳眼，乜都見唔到，不過剩係打出個心口都夠清涼。佢冇幾耐就已經發現鏡頭，對住《壹》仔笑笑口再揮手Say Hi，跟住仲嘟嘴賣萌，估唔到佢35歲人仲咁有童真。
條龍排極都唔係點郁，佢悶到要玩電話，搵朋友吹水解悶，以為佢又要自拍放上網添！傾到冇朋友得閒理佢，莊思敏終於都等到的士，臨走時佢再同《壹》仔揮手講拜拜，睇嚟佢對鏡頭真係幾敏感。
