2015年7月21日 星期二

蜜運Ing!戴凱欣孖男友遊布吉驚遇曱甴 戴凱欣,



戴凱欣孖男友遊布吉放閃。

next 1/1 pre

戴凱欣大方晒同男友Justin嘅合照。

next 1/1 pre

仲有合體扮蜘蛛。

next 1/1 pre

Kennis都好識就角度,企高少少先合照,不過呢張就好高咗啲。

next 1/1 pre

呢張就差唔多喇。

next 1/1 pre

放閃點少得燭光晚餐吖。

next 1/1 pre

最後送上比堅尼相一張。

next 1/1 pre

四洲太子女戴凱欣(Kennis)是城中鑽石女,樣靚身材正,而且有家底有學歷,但就遲遲未拍拖,期間曾與許志安、黃宗澤傳緋聞,但都只聞樓梯響,她亦笑言是「爛桃花」。

不過最近Kennis突然上在網上載了不少與一位男士態度親暱的旅行相,她事後大方認拍拖,還開心說:「啱啱拍拖兩個月,所以慶祝一下,去布吉旅行,享受陽光與海灘,食吓嘢。」

唔考慮閃婚

Kennis男友叫Justin,是上海人,任職銀行高層,兩人三年前經朋友介紹下認識,最近再次見面,她說:「有時啲嘢好講timing,大家見番時,都係單身,而且又有感覺,所以就一齊,同佢一齊好舒服,佢好好人,好有風度,兩人一齊最重要溝通到。(但相隔兩地?)係,但未嘗唔係好事,大家雖然少見,會好想爭取多啲時間見面,依家希望一個月各自飛一次見面,而我哋每日都會face time。(會唔會閃婚?)唔會,睇定啲,始終啱啱先開始。」Kennis公司上海亦有業務,問到會否調去上海工作,她說:「遲啲先算,都可以諗吓。」

畀曱甴嚇親

她又指由於平時見面都是大班朋友,所以難得可以二人世界便選擇到布吉暢玩,談到今次四日三夜行程,Kennis坦言十分享受,但美中不足是她在獨立屋的私人泳池游水時,竟見到曱甴,即時嚇到彈開:「我好驚曱甴,真係嚇死,即時叫酒店啲人捉咗佢,仲將泳池啲水換過晒。」

鍾意就快D Share啦!