2015年8月8日 星期六

葉翠翠婚後運滯? 搵錯吳若希做半日姊妹 翠翠,吳若希,葉翠翠,





其他影片:>>






葉翠翠上個月11號同建築師公司副董事周曉東(Raymond)拉埋天窗,點知婚後Raymond遭前妻Grace Lam因女兒生活費入稟家事法庭,婚後5日翠翠同老公Raymond唔止冇得去度蜜月,前周太更在庭內提出要求,唔准葉翠翠聽審,故葉翠翠無奈離開法庭,留在法院內的休息室等候,Raymond同前妻則在家事法庭內作閉門聆訊。

今日有周刊指,翠翠近日黑到爆,有感係搵錯吳若希做姊妹(新聞連結:http://bit.ly/1HuDYr6),據知,翠翠出嫁當日搵咗有孝在身嘅吳若希做半日姊妹,吳若希外婆今年4月病逝後,外公6月15日又因為爆血管離世,話晒中國傳統習俗避免紅白二事相沖。翠翠又自責出嫁前一日仲同老公見面,接新娘又冇避席,可能冇跟足傳統先出事!

據周刊爆,翠翠近日向友人狂呻上頭嗰日最初唔見咗把梳,又唔記得插蠟燭,又唔記得啲湯圓,就連「一梳梳到尾」都講咗四次,仲搵埋有孝在身嘅吳若希做姊妹,翠翠呢排都不時問人有乜嘢解救方法,周刊更表示,翠翠近日對吳若希都好冷淡,報道都有問過吳若希,佢就話之前佢哋都冇注意過「白事沖紅事」呢啲嘢,事後吳若希都有問番翠翠,翠翠當時都有講冇事。

今日本報都向翠翠求證,佢就否認搵朋友呻過,自己一早知吳若希嘅情況,佢同老公都喺外國讀書,唔介意呢一點,上頭儀式都係因為爸爸想,佢先去做。

(資料圖片)(微博圖片) 沈卓盈話希望下次可以約齊當日姊姊團出嚟聚,唔知翠翠會唔會叫埋吳若希… 盛傳當日唔見梳!?
出嫁前夕,同老公晒恩愛! 搵咗有孝在身嘅吳若希做半日姊妹。 (微博圖片)
(微博圖片)
鍾意就快D Share啦!
Related Posts Plugin for WordPress, Blogger...