掃呢頁CODE去手機

2015年8月11日 星期二

再揭人妻姚嘉妮與老公死黨電梯依偎 嘉妮,姚嘉妮,



36歲嘅姚嘉妮雖然家有老公,兼為一對仔女之母,但身邊依然不乏異性緣。早前先被週刊影到佢背住老公同菲藉舞蹈老師AL私約漫步沙灘,行為過從甚密,情不自禁時更拖手,姚嘉妮就話對事件唔回應,愛佢嘅人會明白佢咁話,之不過,接二連三都背住老公密會多名男性,似乎有啲過火喎!

今日(8月11日)姚嘉妮再被週刊影到佢私會中年四眼男,期間仲表現投契,言談間仲一臉欣悅。據報導指,姚嘉妮日前相約四眼男喺觀塘見面,二人一見面就隨即並肩而行傾到雞啄唔斷,全程仲手貼手邊行邊傾,行到一幢工廠大廈,入𨋢之後,二人即毫無避忌,男方仲愈挨愈埋與姚嘉妮咬耳仔,原本已經零距離身貼身嘅兩個人,男方更索性將右手墊喺女方嘅左膊上,將姚嘉妮膊頭當枕頭墊手,依偎一起,四眼男行為完成超越對待朋友妻之道。

關係七國咁亂,但姚嘉妮繼續我行我素,懶理老公和一對仔女,上週一(3日),佢與三歲大嘅仔仔Kyros慶祝完生日,晚上又即急不及待約會AL,樂於做「女柴可夫」嘅姚嘉妮,先載AL到旺角買金魚,再送返位於深水埗嘅唐樓寓所,然後再載AL殺落油麻地廟街買生果,二人更孖住一齊做腳底按摩,直至午夜十一時先離開,再載AL送返位於深水埗寓所。

上週六(8日),姚嘉妮老公林祖輝早前出席活動時就表示對太太絕對信任,但就話唔識AL,話事後AL有短訊同佢講唔好意思。雖然話AL喺南亞人,性格比較熱情,而姚嘉妮又接受西方教育,但最難得喺佢老公林祖輝思想開明,任由老婆頻頻與男生密會,仲依然出口力撐,有個咁鍚自己嘅老公,姚嘉妮點都應該避忌啲
鍾意就快D Share啦!