農曆七月俗稱鬼節就快到，雖然「鬼門關」仲未開，「龍婆」又冇出嚟搞搞震，但依然鬼影幢幢。
上星期五有網民分別喺尖沙嘴、銅鑼灣、旺角，見到兩個打扮成鬼新娘嘅女子「飄過」，不過市民似乎見怪不怪，話晒早排見過「太空人」搭小巴，當然冇畀佢哋嚇親，仲好心水清咁估佢哋宣傳緊乜嘢。
呢兩位鬼新娘分別坐地鐵、巴士、的士同渡海小輪，市民表現冷靜，有啲仲笑笑口話：「唔使咁呀」，最抵死係一啲坐住BB車嘅小朋友，起先喺呆一呆，之後就「咭咭」聲咁笑，由此可見呢兩合鬼新娘嗰驚嚇度唔算高。
而當佢哋上巴同小巴嘅時候，司機第一個反應都係一呆，跟住都問清楚目的地至畀佢哋上車，坐地鐵嗰陣鬼新娘旁邊位哥哥仔直情當佢哋冇到，喺度掛住打機。
當鬼新娘去到時代廣場嗰陣，好多明明影緊高達嘅龍友，都走出嚟影佢哋。到佢哋排隊搭的士嘅時候，仲搞到身後嘅外藉人仕好尷尬，唔知排佢哋前面定後面好。
好嘞，到底佢哋做乜要扮鬼扮馬呢？原來兩位鬼新娘喺幫吳家麗導演嘅8月27號上映新戲《有客到》宣傳，家麗姐話百冇禁忌，佢仲話今次搵咗鬼王雷宇揚出山，夥拍近年經常拍鬼片嘅心悠BB加埋謝婷婷，等套戲嚇得又睇得喎。
| 兩個鬼新娘坐地鐵，不過個男仔表現幾咁冷靜，冇被嚇窒。 |  有客到.... |  身後嘅外藉人士好尷尬。 |
 |  鬼新娘坐地鐵 |  大家係唔係睇唔到？ |
|
鍾意就快D Share啦！
|
|
|
