2015年8月5日 星期三

女神全裸出寫真 陳瀅:連底褲都唔着 [FACE - 428] 陳瀅,MF,



陳瀅解釋點解書展後才出圖像書:「前排拍緊劇,我想喺最好狀態又有足夠休息時間先,去泰國都係因為想專注去做呢件事。」

爆 Like王

女神全裸出寫真 陳瀅:連底褲都唔着

陳瀅一向俾人形象清純又開朗,喺《女人俱樂部》同《四個女仔三個 BAR》表現突出,又拍過《寒戰》、《盜馬記》等大片,機會多又入到屋,不過陳瀅未滿足,本月 21日將推出性感寫真集《半透明的舞孃》,仲講明全裸上陣,真係聽到都流鼻血。

之但係陳瀅自爆本來冇打算全裸,但去到泰國拍攝現場才發生意外事件,惟有乖乖地除衫,為藝術犧牲喎!乜事先?

F:點解入咗行 5年至出寫真集?

陳瀅將推出寫真《半透明的舞孃》會有全裸照,問到日後會唔會行性感,陳瀅笑住答:「唔會刻意因為呢輯相而改變,隨緣囉!因為只係影嗰刻至決定做。」

陳:好細個就想出本靚書,入行後經常諗起,今年我覺得係時候,就同老闆講我想出書,佢問:「吓!出咩書呀?」我話影相嗰啲,佢話:「你得唔得㗎?你去到幾盡先,會幾搏先?」我話你想點咪點囉!我冇底線。跟住隔咗個禮拜佢就話做喇!其實呢本係圖像文學,有照片亦有故事,講我好似一道窗簾,會過四季,遇雨會霉,落雪會凍,有風會跳舞,睇到我呢幾年嘅成長同經歷;係有少少 dark,可以令觀眾睇到真正嘅我!

F:點解咁搏全裸上陣?

喺加拿大讀過書嘅陳瀅,原來俾好多女仔追求,更令佢懷疑自己性取向添!想知發生咩事就要記得下載 FACE Pop睇片

陳:一直有諗好冇影性感啲,最初決定唔太性感;點知去到泰國第 3日,本來喺個湖入面影相,但發覺個湖有好多問題,落唔到水,惟有另搵場景,搵到一間屋養咗好多仙人掌, art director同女攝影師都覺得好適合,點知啲裙唔啱 feel,攝影師提議唔着衫仲靚,我覺得好吖!另外一輯相係得個箱同一隻貓,我仲好開心咁去影,去到問着咩呀?攝影師話唔好着,我話講真㗎?底褲呢?唔着,妝都唔俾化,因為隻貓冇衫着嘛,咁我決定影啦,要清場男士唔准入嚟!

F:你對自己身材有冇信心?

陳:呢次全裸算係克服咗自己一個心魔,其實本書都有講每人都有一個心魔,我一直俾人批評身材,覺得我唔夠瘦,的確比起其他女明星我絕對算係肥或者有肉,點解我肯全裸?因為我想同觀眾講,唔一定要好瘦至係靚,要接受呢樣嘢,所以我影呢輯相,我係 proud of我身材,唔使着衫,唔使化妝都得。我亦要求唔執相,除非走光或者穿崩位執少少啫!

陳瀅拍過 4部劇,播咗兩部,就係《女人俱樂部》同《四個女仔三個 BAR》,演技都被受讚賞,喺一眾女星中跑出。

電視畫面

F:點睇 6歲 Celine妹妹同 50歲羅霖出寫真?

陳:小朋友特別係未成年,着睡衣就應該着長褲,同埋小朋友係好單純,應該係開心,唔應該用成熟嘅諗法去影,當個女仔過咗 18或 21歲成年喇,去影佢哋想影嘅嘢就冇問題,其實成個 team都應該留意吓!羅霖好大膽,佢俾我感覺係佢想講,唔應該俾年齡限制咗想做嘅事。其實我本書都有呢種 girl power,我覺得好好,帶多啲正面訊息畀社會!(如果你 50歲仲咁靚,出唔出寫真?)如果有咁 fit,日日影相添何只出寫真呢!

剛煞科的《潮流教主》,陳瀅演陳豪細妹,善於心計,害蔡思貝來抬高自己,奸到入心。

雖然陳瀅稱自己係肥妹仔,但不時將三點式照片放上網,睇嚟幾有自信而且幾 fit吖!網上圖片

鍾意就快D Share啦!
Related Posts Plugin for WordPress, Blogger...