2015年8月5日 星期三

女神崩壞! 黃翠如自費迫蕭正楠同居 翠如,蕭正楠,正楠,黃翠如,





其他影片:>>






去年從何傲芝手上成功搶人,黃翠如小三變正印,拍拖一年,控制慾強的翠如BB,為全面掌控男友,已搬去蕭正楠屋企住,仲自費換過晒全屋傢俬。

以前久不久上去男友位於茘景華景山莊六百呎寓所過夜,三個月前,黃翠如正式搬埋去同蕭正楠展開同居生活。連日來,翠如BB要開工,都從華景山莊出發,放工後亦直接返愛巢。上個禮拜四晏晝,街坊打扮的翠如BB和蕭正楠一齊離開華景山莊寓所,二人明顯啱啱瞓醒,翠如BB嚴重走樣,口腫面腫,雙下巴現晒形,身旁面青青的蕭正楠更加瞓到頭髮蓬鬆,邊高邊低,發現記者,二人急急腳行去停車場各自揸車出發去開工。

原本一直與家人同住馬鞍山聽濤雅苑的翠如BB,和蕭正楠拍拖後,不理父母反對,在同屋苑租住另一細單位,爭取私人空間方便男友上門過夜。去年底,蕭正楠在新劇《倩女喜相逢》中和新進姣精吳若希有大量親熱戲,佔有慾強的翠如BB立即響晒警號,打爛醋酲。經冷戰後,翠如BB決定落手,將監控進一步升級,執埋包袱去蕭正楠屋企,仲自費換過晒全屋傢俬,嚴防「野花」偷襲入侵。
鍾意就快D Share啦!
Related Posts Plugin for WordPress, Blogger...