2015年8月5日 星期三

Bingu男變貧苦青年  2PM澤演:我個樣似窮人! [FACE - 428 - 外地娛樂] 2PM,MF,



出道超過 7年的澤演,計埋日劇在內演過超過 7套電視劇,因多數演熱血及反叛青年角色,今次演出《 Assembly》亦是類似角色,故未有演技新突破。《 Assembly》於上月中開播,最高收視為 5.9%,成績一般。

韓飯台

Bingu男變貧苦青年  2PM澤演:我個樣似窮人!

早前為自己設計的卡通人物 OKCAT襲港的 2PM的「 bingu」男(即傻更更同時又夠 man)玉澤演,出名百足咁多爪,除拿手唱歌跳舞,主持綜藝節目《一日三餐》更大受阿豬媽歡迎,最近食住個勢嗱嗱聲推出新劇《 Assembly》。

KBS水木迷你連續劇《 Assembly》是一套以國會做背景,富有政治色彩的電視劇。劇中澤演飾演一名家境窮困,但從不自暴自棄的熱血青年,與男主角鄭在泳相遇後,被牽涉入國會漩渦。樣貌及外形一直官仔骨骨的澤演,對於近年多套劇都扮窮小子,都忍唔住呻:「可能我個樣生得似窮人!」

電視畫面

《 Assembly》講述鄭在泳(小圖)飾演一名正義焊工,因遭船廠無理解僱,遂立志從政伸張正義,而澤演(右一)飾一名窮苦青年,對社會分階級制度極度不滿,原本對政界毫不關心,但遇上鄭在泳,便牽涉入國會漩渦。

上月中,來港宣傳自己設計的 OKCAT(右下圖),澤演心情大好,笑笑口問記者:「做乜笑?」

網上圖片

1.澤演拍《 Assembly》有咩顧慮?

澤演近年多演出 KBS電視劇,咁啱每套都飾演窮苦男,就算觀眾唔悶,澤演自己都演到悶。電視畫面

澤演 4年前所拍的《 Dream High》、去年的《美麗好時節》,以至剛推出的《 Assembly》均有兩個共通點,首先 3套劇都是由 KBS電視台製作,其次每套劇澤演都同樣飾演窮小子,對此澤演都忍唔住在訪問中表示不滿:「一直我扮演的角色家境都不太好,這次《 Assembly》也一樣,依然家境窮困,其實我一直都好想演些比較活潑的角色,但這次又是演一個又窮又沉重的角色,原因可能是我皮膚黑生得似窮人吧!」

2.聽聞劇組人員均大讚澤演工作態度超好?

近排澤演憑飲食節目《一日三餐》大受歡迎,唔只阿豬媽 like佢,連《 Assembly》的 42歲女主角宋允兒都同佢好投契,於發布會上更密密咬耳仔。網上圖片

雖然澤演對經常扮窮人角色有少許微言,但亦不減他對演戲的熱誠,就算平時要完成 2PM組合活動和拍完綜藝節目後攰到死,但每次去到《 Assembly》拍攝現場,都會第一時間向劇組人員作 90度鞠躬打招呼,而且他集中精神去投入演出的專業態度,更令導演對佢讚不絕口。

3.澤演近排人氣爆燈,下個目標想做乜?

澤演逢出騷必騷肌,佢自爆心願開個 19禁演唱會,唔通佢想剝光豬演出?網上圖片

2PM最近 comeback推出新專輯《 No.5》,又正忙住開演唱會《 2015 2PM Concert-House Party》,當中成員澤演除咗要擔任飲食節目《一日三餐》主持,同時又趕拍新劇《 Assembly》,今年澤演真係乜都做勻,但原來澤演仍有未完的心願。最近澤演被問到下一個目標是什麼時,他竟然自爆:「我的夢想是舉行 19禁演唱會。」我相信呢個唔只係澤演嘅夢想,更加係好多歌迷嘅夢想

鍾意就快D Share啦!
Related Posts Plugin for WordPress, Blogger...