| 難得安仔咁大方share旅行瘀事。 | next 1/1 pre |
 | |
| 又自爆平時有練開8至10K跑步，幾時向大家一展身手呀？ | next 1/1 pre |
 | |
| 仲話自己即將要做空中飛人。 | next 1/1 pre |
 | |
| 下星期去美國開騷，不過留幾日又返香港喇。 | next 1/1 pre |
歌手許志安現身街頭馬拉松活動，表示第一屆時有參加10K：「嗰陣跑九龍東，成績好好，跑完全程，我平時都有練開8至10K，但今次就冇跑，因為冇時間操，同埋今次係跑5K，愈短就愈危險，因為想時間快就愈易出事。所以我今日就嚟幫啲歌手朋友打氣，平時我有跑開嘅，但今日着牛仔褲就唔跑喇。」
他又透露下星期會出發到美國紐約舉行首站巡唱，但大呻行程短暫：「我10號喺香港做完嘢就飛，做完演唱會14號就飛番返嚟做嘢。我同啲人講下星期飛美國，佢哋都話去幾日咋，今次去真係好短，做完嘢就走，搭飛機一程都要十幾個鐘，但都冇辦法啦。」他亦表示稍後會到內地、澳門等地巡唱。
另外，安仔透露早前跟老婆去旅行，謂只得很短的時間所以沒有遠行，並笑言去北角旅行，之後他肯透露去了日本旅行。問到今次終於冇畀人影到？他即謂：「呢個世界唔會冇人影唔到。（但你哋都唔怕？）唔係唔怕，但都想舒服啲嘅。」之後他自爆對鏡頭太敏感而弄出笑話，笑言有日晏晝五、六點見到有人向自己方向舉機拍攝：「我諗住唔好啦，望真啲原來係外國人，我仲諗係咪南華早報，但唔會啦，佢隔離仲有個人揸cam，但原來係外國女人，所以搞到我非常尷尬。」
|
鍾意就快D Share啦！
|
|
|
