究竟係夾埋做宣傳定係「焗住」承認男友身份？唔知喇。總之就係麥明詩今日凌晨借「成熟」二字寫咗篇文，然後其拍拖兩年的牛津大狀男友Joe就將ig設定為公開，又借「成熟」二字自抽，頭先仲去埋西九龍中心支持女友首次以港姐冠軍身份出席活動，貼埋上ig，but，張相已經delete咗。
麥明詩今日接受訪問啦，問佢點解要喺凌晨兩點po文默認戀情？麥明詩笑謂:「諗住你哋瞓咗覺吖嘛。」那是否認拍拖？「冇喎，係咩，唔知呀，我講咗我想講嘅嘢囉，橫掂都係大家有自己結論架」
睇番Joe好似好想「上水」證明自己係麥明詩男友身份，做咗好多嘢，又自抽又去埋現場。但麥明詩反而好似處處避忌，咁男友有冇詐型？麥明詩都係呢句:「都話想講咗自己想講嘅嘢，大家互相扶持啦。」何以一路唔肯公開？「都係睇番嗰段文。」之後再謂:「主要唔想影響其他人，娛樂圈自己喺入面，壓力都唔係人人想去承受。」
是否因為公司施壓？麥明詩就話:「其實公司同我哋好自由，最緊要畀你做番自己。大家如果支持我嘅，唔會因為我嘅感情動向去改變。」
唔知麥明詩係咪顧慮太多，反而Joe就處之泰然，仲拎張疑似係麥明詩送畀佢嘅煙肉書籤，用番麥明詩嗰句「唔成熟」講笑。對此麥明詩話:「我啲朋友好幽默，好多朋友見到我上報都攞嚟笑同自嘲，都係一件好事。近年香港好多負能量，大家笑吓開心吓係好事。」
麥明詩又話，父母係佢嘅感情生活:「雖然爹哋媽咪都覺得讀書要專注學業，但愛情係人生一個重要環節，佢哋都鼓勵我體驗多啲。感受愛情係人生給予嘅最大禮物。」
講番今日Joe突然撐場，麥明詩表示事前完全唔知，亦無話俾佢知，更加見唔到佢，但就估計係今日同場嘅猷亨爆料俾Joe知，所以Joe先識嚟。之前都有報道話Joe家底唔錯………
講番周刊報道指無綫今年安排應屆港姐提早拍劇、做「小花」接班人，麥明詩謂:「我完全冇收到任何通知，係咩？咁好，最好係。我份人鍾意做嘢，唔鍾意得閒冇嘢做。」亞軍龐卓欣就表示如果冇得讀藝訓班會有啲輸蝕。
|
鍾意就快D Share啦！
|
|
|
