楊受成嘅大仔楊其龍（Gilbert）曾經係名人圈嘅playboy，終於修心養性，舊年仲同拍拖3年嘅捷克籍模特兒女友Martina Sivkova生咗個混血B女Iliana。
事隔半年，做完老竇終於做埋老襯，噚晚佢喺半島補擺喜酒娶Martina，終於結束王老五生涯，真係恭喜恭喜。
Gilbert噚晚擺酒，冇好似4月幫阿女搞百日宴時咁鋪張，今次主力請男家親戚。楊其龍為咗專心搞婚宴，故就算上個月48歲生日，都冇好似以往咁，喺dragon-i大搞party慶祝。
Gilbert雖然娶外籍女子做老婆，不過婚禮仍保持中式傳統儀式，一對新人換上中式禮服切餅祝酒，Martina更入鄉隨俗，穿着紅色裙褂、戴龍鳳鈪，由9個大的囡囡Iliana見證父母完婚，認真溫馨。
《蘋果》今日聯絡過Gilbert，就未有回應，佢姐夫張堅庭就喺微博放咗同老婆楊諾思、二仔張高翔去飲宴嘅相。Gilbert嘅表弟婦邱李茂琪亦喺fb擺咗佢哋兩公婆跳舞相，仲同Gilbert兩個家姐楊諾思、楊玳詩、曾同陳冠希拍拖嘅堂妹楊永晴影合照。
| 楊其龍噚晚喺半島擺酒，正式娶捷克籍女友Martina過門。 |  兩公餅切蛋糕祝酒，Martina更着裙褂戴龍毯鈪。 |  楊其龍同賓客合照。 |
 一對新人跳舞，巧romantic！ (邱李茂琪facebook) |  Gilbert娶老婆，作為大家姐嘅楊諾思帶埋老公張堅庭同二仔嚟飲。(張堅庭微博) |  張堅庭同二仔張高翔 (張堅庭微博) |
 Gilbert兩個家姐楊諾思、楊玳詩，同曾同過Edison拍拖嘅堂妹楊永晴(右一)合照。 (邱李茂琪facebook) (邱李茂琪facebook) |  Gilbert上台辭詞。 (邱李茂琪facebook) |  表弟邱子傑同老婆邱李茂琪，同埋佢參加小廚神囡囡Jessie。(邱李茂琪facebook) |
 楊其龍夫婦4月幫囡囡搞百日宴，大宴親朋。 (資料圖片) |
|
鍾意就快D Share啦！
|
|
|
