掃呢頁CODE去手機

2015年9月11日 星期五

謝賢揭同曾江恩怨:自大,識講英文好叻咩? 曾江,謝賢,



謝賢(四哥)上個月喺《四個小生去旅行》記者會上,忽然怒摑曾江,令人嘩然。之前本報都講過,曾江當年拍粵語片嗰陣,因為喺外國讀完書返香港,覺得自己叻過好多人,睇唔起謝賢呢啲前輩。但究竟兩人因何結怨,始終是不解謎團。

《四個小生》雖然已經播完晒,慶功飯局上,之前做搞手、但依家面左左嘅四哥未有出席。曾多次表明唔想再提起掌摑一事,亦唔想再提曾江嘅四哥,噚日喺香港接受鳳凰衛視《魯豫有約》專訪,大爆自己幾十年前已經唔妥曾江,就係呢個原因。

四哥被問到當日係咪為節目宣傳時,佢就話:「好多人都以為是開玩笑,我其實不想再講他,因為幾十年前就發現這個人(曾江)不好,這個人不是朋友。他自大,讀了幾年書就看不起電影圈的人,我最氣這個,他拍每一部戲都跟人家吵架.....我好多年前已經不跟他玩。」

四哥又話:「你受甚麼教育?你會講英文很好嗎?很了不起嗎?美國要飯的都是講英文的。你讀書很多嗎?你有沒有人家博士多?你做電影就不要在這個圈看不起人家,我聽過很多事情。我這次拍為甚麼會這樣火爆,在拍的時候,他就已經想著要怎麼樣去搶鏡頭了。流鼻血,大事情,要請醫生看。我說流鼻血是很小的事情....他說拍不了,要回去了。我說神經病,天氣乾就會流鼻血,小意思,沒有那麼嚴重。」

謝賢喺今年8月,宣傳《4個小生去旅行》時怒摑曾江。 當時坐喺中間嘅胡楓疑企起身擋,因而中拳,眼鏡飛脫。 事後,曾江仍表示佢同謝賢係朋友,冇事!
鍾意就快D Share啦!